Елордада өткен жедел шахматтан ресейлік Александр Грищук әлем чемпионы атанды.
Астана тойы аясында өткен әлемдік шарада екінші орын норвегиялық Магнус Карлсенге бұйырса, қола жүлде тағы ресейлік шахматшы Сергей Карякиннің қанжығасын майлады. Шахмат әлеміндегі айтулы шараға әлемнің танымал 16 гроссмейстері жиналған болатын. Олардың қатарында Борис Гельфанд, Веселин Топалов, Василий Иванчук, Теймур Раджабов, Александр Грищук сынды ойыншылар болды. Еліміздің намысын Павел Коцур мен Ринат Жұмабаев қорғаған еді.
