Жеке жидашының жауһарлары
Қазақстан Республикасы Ұлттық музейінде белгілі кәсіпкер Нұрлан Смағұловтың «Жеке коллекция жауһарлары» атты көрмесі өтуде. Көрмеге ХХ ғасырдың 30-жылдарында жазылған картиналармен қатар, бүгінгі суретшілер мен мүсіншілердің 100-ге жуық туындылары қойылды.
«Мен 20 жылдан бері жинап келе жатқан өнер туындыларының көрмесін тұңғыш рет өткізіп отырмын. Бұлардың әрқайсысының өзіндік тарихы бар. Мен үшін барлығы құнды. Солардың ішінде ең шоқтығы биік туынды – Қуаныш Сұлтанов сыйлаған Әбілхан Қастеевтің қылқаламынан туған дүние» деді Н.Смағұлов. Коллекция иесі қазақстандық қылқалам шебері Әбдірашит Сыдыхан мен америкалық суретші Энди Уорхолдың картиналарын Ұлттық музейге сыйға тартты. Нұрлан Смағұловтың коллекциясында Әбілхан Қастеев, Қожа-Ахмет Ходжихов, Сабыр Мамбеев, Молдахмет Кенбаев, Айша Ғалимбаева, Сахи Романов, Кенжебай Дүйсенбаев, Дулат Әлиев, Ерболат Төлепбаев және тағы басқа талантты суретшілер мен мүсіншілердің жұмыстары бар.
Сонымен қатар, коллекционер Қазақстанға соғысқа дейін, соғыс кезінде және соғыстан соң көшіп келген өнер иелерінің де туындыларын жинаған. Олардың қатарында Леонид Леонтьев, Мария Лизогуб, Алексей Степановтың суреттері, Сэрэнжаб Балдано мен Рысбек Ахметовтың ағаштан, қыштан жасаған мүсіндері бар.
Көрменің ашылу салтанатына Парламент депутаттары, Үкімет мүшелері және өнер мен мәдениет жанашырлары қатысты. Көрме 19 шілдеге дейін жалғасады.
Күнайым СӘКЕН