Жексенбі сайын – жаттығу
Елордадағы орталық саябақта бұқаралық спорт маусымы ашылды. Астана қаласының әкімдігіне қарасты Дене шынықтыру және спорт басқармасы ұйымдастырған бұл іс-шара «Fitness Park Astana» деп аталады.
Соның аясында йога, зумба, кардио-зон секілді спорт бағыттары бойынша нұсқаушылар астаналықтарды әр жексенбі сайын сағат 10.00 мен 13.00 аралығында тегін жаттықтыратын болады.
– Шаһар әкімдігі халықтың, әсіресе, жастардың спортпен шұғылдануына жағдай жасап келеді. Былтыр тоғыз саябақта әртүрлі спорттық шараларды тұрақты түрде ұйымдастырып тұрдық. Биыл орталық саябақта, ашық аспан астында осындай ауқымды шара өткізудеміз. Мұндай мүмкіндік қала xалқына үлкен пайдасын тигізері сөзсіз, – деді Дене шынықтыру және спорт басқармасының басшысы Берік Мәржікпаев.
Ботагөз МАРАТҚЫЗЫ