ЖЕМҚОРЛЫҚТЫҢ ЖОЛЫ КЕСІЛЕДІ
«Нұр Отан» партиясы Астана қалалық филиалында сыбайлас жемқорлыққа қарсы күресті күшейтудегі ынтымақтастық туралы меморандумға қол қою рәсімі өтті.
– Сыбайлас жемқорлық – мемлекеттің тұрақтылығы мен қауіпсіздігіне қатер төндіріп, елімізде атқарылып жатқан экономикалық және әлеуметтік реформаларға кедергі келтіретін қоғамдық дерт. Көптеген салада орын алып жатқан жемқорлық әрекеттер Қазақстан Республикасының ішкі жағдайына ғана емес, оның халықаралық беделіне де нұқсан келтіреді. Кез келген өркениетті қоғам үшін сыбайлас жемқорлықпен күрес өзекті болып табылады. Сол себепті де мемлекетіміздің экономикалық және саяси тұрақтылығын азаматтардың құқықтары бостандықтарын қамтамасыз ету ісіне белсенді түрде ат салысуымыз қажет, – деп атап өтті «Нұр Отан» партиясы Астана қалалық филиалы төрағасының бірінші орынбасары Сапар Ахметов салтанатты рәсім алдында сөйлеген сөзінде. Одан кейін «Нұр Отан» партиясы Астана қалалық филиалы Экономикалық қылмысқа және сыбайлас жемқорлыққа қарсы күрес департаментімен, Қаржылық бақылау инспекциясымен, Ұлттық кәсіпкерлер палатасының қалалық филиалымен және Халыққа қызмет көрсету орталығы астаналық филиалымен ынтымақтастық меморандумдарға қол қойылды.
Айгүл УАЙСОВА