Жеңімпаз атанды
Назарбаев Университетінің студенттері екінші жыл қатарынан «Astana Startup Weekend» байқауының жеңімпазы атанды. Білікті қазылар алқасы саңырауқұлақтардың арнайы сұрыбының көмегімен қоқыс қалдықтарын кәдеге асыру жобасын үздік деп таныды. Жоба авторлары – бірінші курс студенттері Әлібек Молдақожаев пен Ақерке Амангелдина 500 000 теңге көлемінде ақшалай жүлде алды. Сонымен қатар, «Роботтехника және мехатроника» мамандығының бірінші курс студенті Диас Әлімбайдың жобасы өзіне-өзі қол жұмсаудың алдын алу бойынша қазылар алқасының назарына ұсынылып, «Үздік smart идея» жеке аталымына лайық деп танылды. Іс-шараның қатысушылары 54 сағаттың ішінде бизнес-жоспар әзірлеп, қазылар қарауына ұсынуы керек. Осы жылы StartupWeekend-а жобалары алдағы «ЕХРО-2017» көрмесінің: «Ақылдылар», және «Жасыл» технология» сынды өзекті тақырыптарына арналды.
Еркежан СӘТІМБЕК