Он жетінші Азия параолимпиадалық ойындарында қазақстандықтар 24 медаль олжаласа, оның он үші – елордалық спорт­шы­лардың еншісінде. Атап айтқанда, «Қайсар» спорт клубының тәрбиеленушілері бес алтын, бес күміс және үш қола жүлде иеленді.

Елордада мүмкіндігі шектеулі жандарды әлеуметтік бейімдеу мақсатында «Инватакси» қызметін дамыту қолға алынды. Астана қаласының Жұмыспен қамту және әлеуметтік бағдарламалар басқармасының хабарлауынша, қазіргі кезде арбамен жүретін мүгедектерге «Инватакси» көлігі, көзі нашар көретіндерге арналған арнайы жабдықталған төрт көлік құралы қызмет көрсетеді.