Сенбі күні қала әкімі Иманғали Тасмағамбетовтің қатысуымен жол құрылысы, қалпына келтіру және жөндеу нысандары тексерілді. Жол құрылыс компанияларының басшылары жұмыстардың барысы, кезеңдері мен сатылары бойынша есеп берді, деп хабарлады Астана қаласы әкімдігінің баспасөз қызметі.
Қазіргі уақытта елордада келесі учаскелерде жаңа жолдар салынып жатыр: Бейсекова көшесі Қорғалжын тас жолынан Тілендиев даңғылына дейін; 2-ші Алматы көшесі Тілендиев даңғылынан Бейсекова көшесіне дейін; Күйші Дина көшесі Тоқпанов көшесінен Тәуелсіздік даңғылына дейін; Жұмабаев көшесі №14 көшеден №41а көшесіне дейін; Жұмабаев көшесі №14 көшеден №41а көшесіне дейін; Баянтау көшесі №14 көшеден №41а көшесіне дейін; №14 көше Қордай көшесінен Төлебаев көшесіне дейін; Рысқұлбеков көшесі Абылай хан даңғылынан Махтұмқұли көшесіне дейін; Күйші Дина көшесі Жұмабаев көшесінен Абылай хан даңғылына дейін.
Сонымен қатар, мына жол учаскелерінде жол жабынын қалпына келтіру және жөндеу жұмыстары жүргізіліп жатыр: Әуезов көшесінде Иманов көшесінен Молдағұлова көшесіне дейін, Тархан көшесі Жұбанов көшесінен Уәлиханов көшесіне дейін. Балқантау көшесінде Жұмабаев көшесінен Төлебаев көшесіне дейін, сондай-ақ Республика даңғылында Сейфуллин көшесінен Гёте көшесіне дейін орташа жөндеу жұмыстары жүргізілуде.
Бүгінде аталған учаскелерде нөсерлік, тұрмыстық кәріздер жасалып, электр кабельдері тартылуда, жер жұмыстары, асфальт төсеу, қозғалыс бөлігін абаттандыру жұмыстары қолға алынған.
Шетелдік «Bureau Veritas» компаниясы жоғарыда аталған жолдар құрылысының барысын бақылауына алды. Жол жабынын төсеу мен материалдар шығару да осы компанияның назарында.
Еске салайық, «Bureau Veritas» – жол құрылысы саласын жетілдіру үшін арнайы тартылған француз инспекциялық-сертификаттау компаниясы.
