“Жолда ойын ойнама!”
![](https://www.astana-akshamy.kz/wp-content/uploads/2024/08/whatsapp-image-2024-08-01-at-113704-780x462.jpeg)
Ішкі істер министрлігі “Жолда ойын ойнама!” деген тақырыппен түсірілген арнайы ролик жариялады, деп хабарлайды astana-akshamy.kz.
Жол қауіпсіздігін қамтамасыз ету – полицияның негізгі міндеттерінің бірі. Ішкі істер министрлігі жолдағы балалар өлімін азайту бойынша шаралар қабылдап жатыр. Жыл басынан бері жол-көлік оқиғаларында 126 бала қаза тауып, үш мыңнан астам кәмелетке толмаған түрлі жарақат алды. “Жолда ойын ойнама” – мұндай бейнероликтер жол жүрісі қағидаларын сақтаудың қаншалықты маңызды екенін еске салады.
Қайғылы жағдайларды болдырмау мақсатында полиция келесі ережелерді сақтауды ұсынады:
Балаларыңызға жол жүрісі қағидаларын үйретіп, олардың сақталуын қадағалаңыз;
Балаларды жолда, әсіресе көлік жүретін жерлерде қараусыз қалдырмаңыз;
Кішкентай балаларды тасымалдау үшін арнайы автокреслоларды пайдаланыңыз;
Балаларға жол апаты немесе төтенше жағдай кезінде не істеу керектігін түсіндіріңіз;
Қауіпсіздік белдігін тағуды ұмытпаңыз;
Телефонға телмірмеңіз. Көлік жүргізу кезінде ұялы телефонды пайдалану апат қаупін едәуір арттырады;
Белгіленген жылдамдықты асырмаңыз;
Жолда тәртіп пен заңды сақтаңыз.