Sport
ЖУКОВ ЖАЗАЛАНДЫ
«Астана» командасының және Қазақстан құрамасының ойыншысы Георгий Жуков премьер-лиганың алдағы болатын үш ойынынан шеттетілді.
Қазақстан футбол федерациясының бақылау комитеті астаналық футболшыны ұлттық құраманың жаттығуына белгіленген уақыттан кешігіп келгені үшін осындай айыппен жазалады.
Жуков енді премьер-лиганың алдағы уақытта өтетін алтыншы, жетінші және сегізінші тур ойындарына қатыспайды.
Жиырма жастағы ойыншы ұлттық құрамадағы алғашқы ойынын Ресеймен болған жолдастық кездесуде өткізді. Ресми ойындарға әлі қатысқан жоқ. Еуро – 2016 іріктеу ойынында Исландияға қарсы ойында қосалқы құрамда болды.
Ғалым ҚОЖАБЕКОВ