Жұмысшы-мигранттар арасындағы АИТВ
Астана қаласы әкімдігінің «ЖИТС-тың алдын алу және оған қарсы күрес орталығы» МКҚК денсаулық сақтаудың бірнеше бағыттар бойынша АИТВ және жыныстық жолмен жұғатын инфекцияларды жұқтыру қаупін төмендету мәселелері бойынша жұмысшы-мигранттармен санитарлық-алдын алу жұмыстарын жүргізіп келеді.
Орталық қызметкерлері жұмысшы-мигранттардың жұмыс орындары мен мекенжайларына: тікелей өнеркәсіптік кәсіпорындарға, құрылыс объектілеріне, жатақханаларға шығып «Еңбек саласындағы АИТВ жұқпасының өзектілігі» тақырыбында дәріс-семинарлар өткізді. Ақпараттық құралдарды мемлекеттік және орыс тілдерінде таратып, жұмысшы-мигранттарға АИТВ жұқпасының алдын алуда жеке басын қорғайтын құралдарға қолжетімділік қамтамасыз етілді.
ЖИТС орталығының мамандары
Албания, Түркия, Өзбекстан, Қырғызстан, Ресейден келген жұмысшы мигранттар арасындағы орта жас аралығы 30 жастағы еркектердің (90%) басымдылығы анықталған экспресс-бағалау жүргізді. Көптеген құрылыс компаниялары АИТВ-ға тестілеу жүргізу үшін ЖИТС орталығымен келісімшарт жасасады. Кейбір ұйымдар Орталықтың мамандарын өз ұйымдарына жұмыс орнында өз АИТВ статустарын білгісі келетіндер үшін экспресс-тест өткізу үшін шақырады.
Астанада еңбек мигранттарының көбі құрылыс саласы мен өнеркәсіптік кәсіпорындарда жұмыс істейді. «АИТВ/ЖИТС-тың бизнеске әсері» көрсеткіштері бойынша Бәсекеге қабілеттіліктің жаһандық индексінің рейтингін арттыру аясында ЖИТС орталығы Кәсіпкерлер палатасының, Кәсіпкерлік және өнеркәсіптік палаталарының басқармасы, сондай-ақ, Мемлекеттік кірістер департаменті, Астана қаласы бойынша Көші-қон полиция басқармасының көмегімен ірі және орта бизнес саласындағы жұмысшы мигранттар арасында АИТВ жұқпасын ескерту бойынша профилактикалық
іс-шаралар өткізеді.
Данагүл БЕКСҰЛТАНОВА,
Астана қаласы әкімдігінің «ЖИТС-тың алдын алу және оған қарсы күрес орталығы» МКҚК ұйымдастыру-әдістемелік бөлімінің дәрігер-эпидемиологы