Мәдениет
Айтматов фестивалінде топ жарды
![](https://www.astana-akshamy.kz/wp-content/uploads/2024/07/sasd-780x470.png)
Бішкек қаласында өткен Шыңғыс Айтматовтың 95 жылдық мерейтойына арналған «Айтматов және театр» атты VІ халықаралық театр фестиваліне қатысқан астаналық өнер ұжымдары топ жарды.
Шыңғыс Айтматовтың «Жан пида» трагедиясын (қоюшы режиссері – Қазақстанның еңбек сіңірген қайраткері, Абай атындағы Мемлекеттік сыйлықтың лауреаты Нұрқанат Жақыпбай) ұсынған Астана қаласы әкімдігінің «Жастар» театры Гран-приді жеңіп алды. Ал Әзірбайжан Мәмбетов атындағы Мемлекеттік драма және комедия театры «Боранды бекет» спектаклімен (режиссері – Ұланмырза Қарыпбаев) фестивальдің үлкен жүлдесіне ие болды. Осы спектакльде Едіге бейнесін сомдаған Нартай Сауданбекұлы «Ең үздік ер адам бейнесі» аталымында топ жарды.