Астана қаласы мәслихатының төрағасы Ерлан Каналимов Ресей Федерациясының Түмен облысының делегаттарымен кездесіп, өзара ынтымақтастық мәселелерін талқылады.
Түмен қалалық Думасының төрағасы Светлана Ивановамен және Ресей қазақтарының федералдық ұлттық-мәдени автономиясының президенті Есенгали Ибраевпен өткен кездесуде бірлесе жұмыс істеудің мән-жайы талқылады.
– Түмен қалалық Думасы, біздің барлық деңгейдегі мәслихаттар сияқты 30 жылдығы екен. Оның құрамында 6 комиссия бар, депутаттар саны – 36, оның ішінде 6 әйел қызмет атқаруда. Елордалық мәслихаттың құрылымы, басым бағыттары, әлемнің басқа елдеріндегі әріптестерімізбен бірге өзара іс-қимылды қалай жүзеге асыратынымыз туралы айтып бердім. Осы мүмкіндікті пайдаланып, қонақтарды Дүниежүзілік көшпенділер ойындарына қатысуға шақырдым, – деді Ерлан Каналимов.
