ەرتەڭنەن باستاپ ەل ومىرىندە بىرقاتار وزگەرىستەر بولاتىنى بەلگىلى, دەپ حابارلايدى astana-akshamy.kz
ەندەشە, 1 ماۋسىمنان باستاپ ازاماتتارىمىزدى قانداي وزگەرىستەر كۇتىپ تۇر؟ BAQ.KZ ءتىلشىسىنىڭ شولۋىنا نازار اۋدارايىق.
1 ماۋسىم – حالىقارالىق بالالاردى قورعاۋ كۇنى
بۇل كۇنى بالالاردىڭ ءومىرىن, قۇقىعىن, دەنساۋلىعىن قورعاۋ, ولارعا قامقورلىق جاساۋ جان-جاقتى دارىپتەلەدى.
بالالارعا ارنالعان كوپتەگەن مادەني ءىس-شارا ۇيىمداستىرىلىپ, جالپىحالىقتىق دەڭگەيدە اتالىپ وتىلەدى.
ساباق اياقتالىپ, ەمتيحاندار باستالادى
قازاقستاننىڭ ءۇش وڭىرىندە وقۋشىلار ارالىق جانە قورىتىندى ەمتيحانداردان بوساتىلدى. سۋ تاسقىنىنان زارداپ شەككەن وڭىرلەردەگى 3,5 مىڭنان استام وقۋشى ارالىق جانە قورىتىندى ەمتيحان تاپسىرمايدى. ولاردىڭ قاتارىندا اتىراۋ, اقتوبە جانە سولتۇستىك قازاقستان وبلىستارىنىڭ ءبىلىم الۋشىلارى بار. ولاردىڭ قورىتىندى باعاسى جىلدىق باعالارى نەگىزىندە شىعارىلادى.
– 9 جانە 11-سىنىپتاردى بىتىرۋشىلەر ءۇشىن قورىتىندى ەمتيحاندار 28 مامىر مەن 11 ماۋسىم ارالىعىندا وتەدى.
– العاش رەت 5-8, 10 سىنىپ وقۋشىلارى ءۇشىن قازاق ءتىلىن مەڭگەرۋ دەڭگەيىن باعالاۋ ماقساتىندا قازاق تىلىنەن ارالىق ەمتيحاندار وتەدى.
– كوللەدج تۇلەكتەرىنىڭ قورىتىندى اتتەستاتتاۋى 28 ماۋسىمعا دەيىن اياقتالادى.
تۇلەكتەرگە اتتەستاتتار تاپسىرۋ سالتاناتى 12-15 ماۋسىم ارالىعىنا بەلگىلەندى.
قازاقستاندىقتار شەتەلگە ءجيى ۇشا الادى
– «Uzbekistan Airways» اۋە كومپانياسى بيىلدىڭ 1 ماۋسىمىنان باستاپ جاڭا الماتى-نوكىس اۋە باعىتى بويىنشا تۇراقتى رەيستەردى ورىنداي باستايدى. رەيستەر اپتاسىنا ەكى رەت (سارسەنبى جانە سەنبى كۇندەرى) 174 ورىندىق «ەيرباس-ا320» ۇشاعىندا ورىندالادى.
– Air Astana 15 ماۋسىمنان باستاپ استانا مەن سەۋل اراسىنداعى رەيستەردى قالپىنا كەلتىرۋدى جوسپارلاپ وتىر. تاسىمالداۋشى اپتاسىنا ەكى رەت: سارسەنبى جانە سەنبى كۇندەرى رەيستەر ورىندايدى. باعىتتا 166 جولاۋشىعا ارنالعان Airbus-A321LR ۇشاعى قاتىنايدى. رەيس التى جارىم ساعاتقا سوزىلادى. اۋە بيلەتىنىڭ قۇنى ءبىر جاققا شامامەن 210 مىڭ تەڭگەنى قۇرايدى.
– SCAT اۋەكومپانياسى بيىل 8 ماۋسىمنان باستاپ استانا – باتۋمي باعىتى بويىنشا اپتاسىنا 2 رەيس جيىلىگىمەن اۋە قاتىناسىن قايتا جاڭارتۋدى جوسپارلاپ وتىر. رەيستەر سەيسەنبى جانە بەيسەنبى كۇندەرى «بوينگ-737» ءتيپتى اۋە كەمەلەرىمەن ورىندالادى. سونداي-اق بيىل شىلدە ايىنان باستاپ رەيستەردىڭ جيىلىگى اپتاسىنا 3 رەتكە دەيىن ارتادى دەپ كۇتىلىپ وتىر. ياعني جولاۋشىلار سەيسەنبى جانە بەيسەنبىمەن قوسا, سەنبى كۇندەرى دە استانا – باتۋمي باعىتى بويىنشا جولعا شىعا الادى.
– Air Astana ەۋروپاعا جازعى كۋرورتتىق باعىتتاردى جانداندىرادى. اۋە كومپانياسى ەۋروپانىڭ كورىكتى قالالارى يراكليونعا (گرەكيا) جانە پودگوريتساعا (چەرنوگوريا) ماۋسىمدىق جازعى رەيستەردىڭ قايتا باستالاتىنى تۋرالى قۋانا حابارلايدى.
الماتىدان كريت ارالىندا ورنالاسقان يراكليونعا رەيستەر 6 ماۋسىمدا دۇيسەنبى, بەيسەنبى جانە سەنبى كۇندەرى اپتاسىنا 3 رەت جيىلىكپەن باستالادى. ۇشۋلار Airbus A321LR اۆيالاينەرىندە 6 ساعات 30 مينۋت ۇشۋ ۇزاقتىعىمەن ورىندالادى. قازاقستان ازاماتتارىنا گرەكياعا كىرۋ ءۇشىن شەنگەن ۆيزاسى قاجەت.
يراكليوننان افيناعا جەرگىلىكتى تۇراقتى رەيستەرمەن جەتۋگە بولادى, ولار شامامەن ءبىر ساعاتتى الادى, سونداي-اق پاروممەن تانىمال سانتوريني ارالدارىنا دەيىن جەتۋگە بولادى. بارلىق الىممەن ەكى جاققا بيلەتتىڭ ەڭ تومەنگى قۇنى ەكونوم-كلاستا 307 959 تەڭگە.
الماتىدان چەرنوگوريانىڭ استاناسى پودگوريتساعا رەيستەر 8 ماۋسىمنان باستاپ جانە سەيسەنبى, جۇما جانە سەنبى كۇندەرى قاتىنايدى, ال استانادان پودگوريتساعا رەيستەر 9 ماۋسىمنان باستاپ دۇيسەنبى, بەيسەنبى جانە جەكسەنبى كۇندەرى جۇزەگە اسىرىلادى.
ەلەكتر ەنەرگياسىنا كىم از تولەيدى؟
«استاناەنەرگوسبىت» جشس قر ۇەم تابيعي مونوپوليالاردى رەتتەۋ كوميتەتىنىڭ استانا قالاسى بويىنشا دەپارتامەنتىنە زاڭدى تۇلعالار ءۇشىن ەلەكتر ەنەرگياسىنا ءتاريفتى 1 كۆت/ساعاتىنا 38,35 تەڭگەدەن 31,45 تەڭگەگە دەيىن ياعني 18%-عا تومەندەتۋ تۋرالى حابارلاما بەردى. كوميتەت مالىمەتىنشە, تومەندەتىلگەن تاريف 2024 جىلعى 1 ماۋسىمنان باستاپ قولدانىسقا ەنگىزىلەدى.
سونىمەن قاتار «سەۆكازەنەرگوسبىت» جشس قر ۇەم تابيعي مونوپوليالاردى رەتتەۋ كوميتەتىنىڭ سولتۇستىك قازاقستان وبلىسى بويىنشا دەپارتامەنتىنە زاڭدى تۇلعالار ءۇشىن ەلەكتر ەنەرگياسىنا باعا (ققس-سىز) 1 كۆت/ساعاتىنا 27,87 تەڭگەدەن 25,88 تەڭگەگە دەيىن ياعني 7,1%-عا تومەندەتۋ تۋرالى حابارلاما بەردى. تومەندەتىلگەن باعا 2024 جىلعى 1 ماۋسىمنان باستاپ قولدانىسقا ەنگىزىلەدى.
الماتىدا جول جوندەلەدى
1 ماۋسىمنان باستاپ جىل سوڭىنا دەيىن الماتىدا 310 مىڭ شارشى مەتر اسفالتبەتون جابىنى بار جولداردى جوندەۋ جوسپارلانعان. تالداۋ كورسەتكەندەي, الماتىدا شۇڭقىرلاردى جوندەۋدىڭ شامامەن 90%-ى 5 جىلدان استام ورتاشا جوندەۋ جۇرگىزىلمەگەن جولدارعا, سونداي-اق ينجەنەرلىك جەلىلەردى سالۋ جانە جوندەۋ جۇرگىزىلگەن ۋچاسكەلەرگە تيەسىلى.
ۇرجارعا رەيس اشىلادى
QAZAQ AIR 1 ماۋسىمنان باستاپ الماتى مەن استانادان ۇرجارعا اۋە رەيستەرىن اشادى.
تۋريستىك باعىتتار مىناداي بولادى:
استانا – ءۇرجار – استانا جانە الماتى – ءۇرجار – الماتى.
رەيستەر اپتاسىنا 4 رەت جيىلىكپەن جاڭا گەنەراتسيالانعان de-Havilland Dash 8-Q400 كانادالىق اۋە كەمەسىندە ورىندالادى.
قۇربان ايت
ماۋسىمدا قازاقستاندىقتار قۇربان ايت مەيرامىن تويلايدى.
قۇربان ايت مەيرامى 17 ماۋسىمدا دۇيسەنبىگە كەلىپ تۇرعاندىقتان, بەس كۇن جۇمىس ىستەيتىن قازاقستاندىقتار 15,16 جانە 17 ماۋسىم دەمالادى.
ءانشى بالالار فەستيۆالى
1 ماۋسىمدا «انشۋاق» بالالار اندەرى فەستيۆالىنىڭ جەڭىمپازدارى بەلگىلى بولادى. بيىل ەلىمىزدە العاش رەت حالىقارالىق بالالاردى قورعاۋ كۇنىنە ارنالعان «انشۋاق» بالالار اندەرىنىڭ فەستيۆالى ءوتىپ جاتىر. وسى جىلدىڭ 1 اقپانىنان باستاپ #انشۋاق حەشتەگىمەن 13 مىڭنان استام بەينە جاريالانىم جانە 12 ميلليونعا جۋىق قارالىم جينالدى. فەستيۆالدىڭ ماقساتى – وسكەلەڭ ۇرپاقتى ءداستۇرلى تاريحي, رۋحاني, مادەني قۇندىلىقتار نەگىزىندە ادامگەرشىلىك پەن ازاماتتىلىققا تاربيەلەۋ.
ۆەيپ ساتۋعا تىيىم سالىنادى
2024 جىلعى 20 ماۋسىمدا قازاقستان رەسپۋبليكاسىنىڭ قىلمىستىق كودەكسىنە جاڭا باپ كۇشىنە ەنەدى. قازاقستان رەسپۋبليكاسى قىلمىستىق كودەكسىنىڭ 301-1-بابىندا تەمەكى شەكپەيتىن تەمەكى ونىمدەرىنىڭ, ەلەكتروندى تۇتىنۋ جۇيەلەرىنىڭ (ۆەيپتەر), حوش يىستەندىرگىشتەر مەن ولارعا ارنالعان سۇيىقتىقتاردىڭ اينالىمىنا تىيىم سالۋ بەلگىلەنگەن.
قانداي جازالار بار؟
ساتقانى جانە تاراتقانى ءۇشىن – 200 اەك-كە دەيىنگى مولشەردە ايىپپۇل سالۋ, نە سول مولشەردە تۇزەۋ جۇمىستارى, نە 200 ساعاتقا دەيىن قوعامدىق جۇمىستارعا تارتۋ, نە 50 تاۋلىككە دەيىن قاماۋعا الۋ.
اكەلگەنى جانە وندىرگەنى ءۇشىن – 2 000 اەك-كە دەيىنگى مولشەردە ايىپپۇل سالۋعا, نە سول مولشەردە تۇزەۋ جۇمىستارىنا, نە 600 ساعاتقا دەيىنگى مەرزىمگە قوعامدىق جۇمىستارعا تارتۋعا, نە ەكى جىلعا دەيىنگى مەرزىمگە باس بوستاندىعىن شەكتەۋگە, نە سول مەرزىمگە باس بوستاندىعىنان ايىرۋعا جازالانادى.
2024 جىلى 1 اەك 3 692 تەڭگە.
