بيىل 1 ساۋىردە باستالعان ءبىرىنشى سىنىپقا وتىنىمدەر مەن قۇجاتتار قابىلداۋ 31 تامىزعا دەيىن جالعاسادى, دەپ حابارلايدى astana-akshamy.kz قر وقۋ-اعارتۋ مينيسترلىگى سايتىنا سىلتەمە جاساپ.
اتا-انا بالالارىنىڭ قۇجاتتارىن ەgov.kz ەلەكتروندى ۇكىمەتىنىڭ ۆەب-پورتالى ارقىلى بەرە الادى. جالپى جاڭا وقۋ جىلىندا ءبىرىنشى سىنىپقا 370 مىڭنان استام قازاقستاندىق بالا بارادى دەپ كۇتىلۋدە.
«بۇگىنگى تاڭدا 242 مىڭنان استام ءوتىنىم كەلىپ ءتۇستى. ءبىرىنشى سىنىپقا قابىداۋ بويىنشا ەڭ كوپ ءوتىنىم تۇركىستان, الماتى, قىزىلوردا وبلىستارىندا, سونداي-اق الماتى, استانا قالالارىندا تىركەلىپ وتىر», – دەپ حابارلادى قر وقۋ-اعارتۋ مينيسترلىگى ورتا ءبىلىم بەرۋ كوميتەتى.
ازاماتتارعا قولايلى بولۋى ءۇشىن, بۇل قىزمەت ءتۇرى اۆتوماتتاندىرىلىپ, قۇجاتتاردى قابىلداۋ egov.kz ۆەب-پورتالى ارقىلى جۇرگىزىلۋدە. ءبىرىنشى سىنىپقا بالالار التى جاستان باستاپ, اتا-اناسىنىڭ نەمەسە زاڭدى وكىلىنىڭ ءوتىنىشى نەگىزىندە قابىلدانادى.
پورتال ارقىلى ۇسىنىلاتىن قۇجاتتار:
1) اتا-اناسىنىڭ نەمەسە زاڭدى وكىلدىڭ ءوتىنىشى;
2) 065/ە نىسانىنداعى «پروفيلاكتيكالىق ەكپەلەر كارتاسى» جانە №052-2/ە نىسانىنداعى «بالا دەنساۋلىعى كارتاسى» مەديتسينالىق قۇجاتتارى;
3) بالانىڭ 3ح4 سم كولەمىندەگى تسيفرلىق فوتوسۋرەتى.
وتىنىشتەر دەمالىس جانە مەرەكە كۇندەرىن قوسپاعاندا, دۇيسەنبىدەن جۇماعا دەيىن قابىلدانادى
