بيىل بىرىڭعاي ۇلتتىق تەستىلەۋ بەس رەت وتكىزىلەدى, دەپ حابارلايدى astana-akshamy.kz
وعان 10 مىڭنان استام تۇلەك قاتىسادى. بۇل تۋرالى كوممۋنيكاتسيالار قىزمەتىندە وتكەن بريفينگتە استانا قالاسى ءبىلىم باسقارماسىنىڭ جالپى ورتا ءبىلىم بەرۋ مازمۇنى مەن ادىستەمەسى ءبولىمىنىڭ باسشىسى اسىل امانكەلديەۆا ايتتى.
باسقارمانىڭ مالىمەتىنشە, ۇبت 18 قاڭتاردان 10 اقپانعا دەيىن; 1-31 ناۋرىز ارالىعىندا; 10-20 تامىز ارالىعىندا اقىلى وقۋعا; 16 مامىردان 5 شىلدەگە دەيىن گرانتقا تاپسىرىلاتىنىن ەسكە سالدى.
وسىلايشا, ۇبت-نىڭ 11 132 تۇلەگىنىڭ 10 870-ءى تاپسىرادى. قاڭتاردان ناۋرىزعا دەيىن 10 892 تۇلەك تەستىلەۋدەن ءوتتى.
ەستەرىڭىزگە سالا كەتەيىك, تالاپكەرلەر تەستىلەۋدى ەكى رەت تاپسىرا الادى, ەكى سەرتيفيكات تا جارامدى جانە ەڭ جاقسى ناتيجەمەن گرانتقا تالاسۋعا بولادى.
ايتا كەتۋ كەرەك, نەگىزگى ۇبت كەزەڭىندە تەستىلەۋ ورتالىقتارىندا قوعامدىق ءتارتىپتى قورعاۋ, ءورت قاۋىپسىزدىگى, جەدەل جاردەم كەزەكشىلىگى ۇيىمداستىرىلدى, سونداي-اق مەملەكەتتىك كوميسسيا مۇشەلەرى اۋىسىممەن جۇمىس جۇرگىزۋدە.
ءبىلىم باسقارماسى مۇگەدەك بالالارعا پسيحولوگتارمەن قامتاماسىز ەتۋدى جانە پەداگوگ-اسسيستەنتتەرمەن ء(پان مۇعالىمدەرى بولىپ سانالمايتىن) سۇيەمەلدەۋدى ۇيىمداستىردى.
