قازىرگى ۋاقىتتا ەلوردادا 16 تۇرعىن الابى جانە 1 ساياجاي القابى بار, دەپ حابارلايدى astana-akshamy.kz
سونىڭ ىشىندە «كوكتال-1», «كوكتال-2», «اگروقالاشىق», «ۇركەر», «تەلمان», «پريگورودنىي», «زارەچنىي», «وڭتۇستىك-شىعىس», «ينتەرناتسيونالنىي», «تەمىرجولشىلار», «پرومىشلەننىي» تۇرعىن الاپتارى, سونداي-اق «قوياندى» ساياجاي ءماسسيۆىن قوسا العاندا, 12 تۇرعىن الاپ جوعارى جىلدامدىقتى ينتەرنەتپەن قامتاماسىز ەتىلگەن.
5 تۇرعىن الاپتىڭ, ياعني «ءوندىرىس», «كازگورودوك», «كيرپيچنىي», «ميچۋرينو» جانە «كۇيگەنجار» تۇرعىن الاپتارىنىڭ ۇيلەرىنە ساپالى ينتەرنەت قوسۋ 2024 جىلدىڭ ءۇشىنشى توقسانىنىڭ سوڭىندا جوسپارلانعان.
بۇل تۋرالى وكق بريفينگىندە استانا قالاسى تسيفرلاندىرۋ جانە مەملەكەتتىك قىزمەت باسقارماسى باسشىسىنىڭ ورىنباسارى بەرىك احمەتوۆ ايتتى.
«جالپى جوسپار 12000 جەكە ۇيگە قوسىلۋدى قامتيدى. بۇگىنگى تاڭدا 7593 ابونەنت قوسىلعان. جوباعا سالىنعان ينۆەستيتسيالاردىڭ جالپى سوماسى 2,68 ميلليارد تەڭگەنى قۇرايدى. بارلىعى 665 شاقىرىم وپتيكالىق بايلانىس جەلىلەرىن سالۋ جوسپارلانۋدا», – دەدى ول.
سارىارقا اۋدانى بويىنشا «كوكتال-1», «كوكتال-2» جانە «اگروقالاشىق» تۇرعىن الاپتارىنا «قازاق ءۇي جەلىلەرى» جشس ينۆەستور بولعان.
«كوكتال-1»-دە 60 شاقىرىمنان استام كوشە كابەلدەرى تارتىلىپ, 740 ابونەنت قوسىلعان; «كوكتال-2»-دە 35 شاقىرىمنان استام كوشە كابەلدەرى تارتىلىپ, 138 ابونەنت قوسىلعان;
«اگروقالاشىق»-تا 37 شاقىرىمنان استام كوشە كابەلدەرى تارتىلىپ, 320 ابونەنت قوسىلعان.
ەسىل اۋدانى بويىنشا تەلمان ت/ا ينۆەستورى «Synergy Telecom» جشس 60 شاقىرىمنان استام كوشە كابەلدەرى تارتىپ, 310 ابونەنت قوسىلعان;
«زارەچنىي» جانە «پريگورودنىي» تۇرعىن الاپتارىندا «قازاقتەلەكوم» اق-تان وپتيكالىق ينتەرنەت بار.
نۇرا اۋدانى بويىنشا «ۇركەر» تۇرعىن الابىنا ينۆەستور «Synergy Telecom» جشس, 140 كم كوشە كابەلدەرى تارتىپ, 1400 ابونەنت قوسىلعان.
الماتى اۋدانى بويىنشا «وڭتۇستىك-شىعىس» (وڭ جاعى) تۇرعىن الابىندا 85 شاقىرىمنان استام كوشە كابەلدەرى تارتىلىپ, 754 ابونەنت قوسىلدى. ينۆەستور: «قازاق ءۇي جەلىلەرى» جشس.
«پرومىشلەننىي» تۇرعىن الابىندا 25 شاقىرىمنان استام كوشە كابەلدەرى تارتىلىپ, 435 ابونەنت قوسىلعان; ينۆەستور: «قازاق ءۇي جەلىلەرى» جشس.
«ينتەرناتسيونالنىي» تۇرعىن الابىندا 70 كم كوشە كابەلدەرى تارتىلىپ, 490 ابونەنت قوسىلعان. ينۆەستور: «Synergy Telecom» جشس.
«ميچۋرينو» جانە «كۇيگەنجار» تۇرعىن الاپتارىندا قوسىلۋ 2024 جىلدىڭ قىركۇيەگىندە جوسپارلانعان. ينۆەستور: «Synergy Telecom» جشس.
بايقوڭىر اۋدانى بويىنشا «ءوندىرىس», «كازگورودوك» جانە «كيرپيچنىي» تۇرعىن الاپتارىندا 2024 جىلدىڭ تامىز-قىركۇيەك ايلارىندا قوسىلۋ جوسپارلانۋدا. ينۆەستور: «قازاق ءۇي جەلىلەرى» جشس.
«قوياندى» ساياجاي القابىندا 20 كم كوشە كابەلدەرى تارتىلىپ, 20 ابونەنت قوسىلعان. ينۆەستور: «تۆوي نوۆىي تەلەكوم» جشس.
«ەلوردانىڭ تۇرعىن الاپتارىندا جوعارى جىلدامدىقتى ينتەرنەتتى قوسۋ جوباسى تسيفرلىق تەحنولوگيالارعا قولجەتىمدىلىكتى ايتارلىقتاي جاقسارتاتىنىنا جانە ازاماتتارىمىز ءۇشىن جاڭا مۇمكىندىكتەر اشاتىنىنا سەنىمدىمىز», – دەدى بەرىك احمەتوۆ.
