15 اۆتوبۋستىڭ قوزعالىس سحەماسى وزگەردى
![](https://astana-akshamy.kz/wp-content/uploads/2024/07/ltgshrinesvwkya-716x470.jpg)
«City Transportation Systems» كومپانياسى 15 مارشرۋتتىڭ قوزعالىس سحەماسىنا وزگەرىس ەنگىزىلگەنى تۋرالى اقپارات جاريالادى, دەپ حابارلايدى astana-akshamy.kz
«قۇرمەتتى استانا قالاسىنىڭ تۇرعىندارى مەن قوناقتارى!
4 شىلدەدە № 3, 4, 4ا, 14, 19, 40, 21, 29, 29ا, 32, 43, 50, 66, 84, 202 باعدارلاردىڭ سىزباسى ۋاقىتشا وزگەرەدى.
شانحاي ىنتىماقتاستىق ۇيىمىنىڭ ءسامميتى كۇندەرى قوعامدىق كولىكتەر ادەتتەگىدەي جۇمىس ىستەيدى. جۇمىس ۋاقىتى 06:00-دەن 23:30-عا دەيىن.
سونداي-اق جولاۋشىلار كولىگىنىڭ قوزعالىسىن شەكتەۋ شارالارى «تاۋەلسىزدىك سارايى» الاڭىنىڭ تاۋەلسىزدىك داڭعىلىندا – ج.ناجىمەدەنوۆ – ا.بايتۇرسىنوۆ – ق.امانجولوۆ كوشەلەرىندە جۇرگىزىلەدى.
اتالعان باعىتتاردىڭ وزگەرتىلگەن سىزبالارىن @cts_kz Instagram اككاۋنتىنداعى Taplink-تەن قاراۋعا بولادى», دەلىنگەن حابارلامادا.