استاناداعى №2 قالالىق كوپبەيىندى اۋرۋحانا 17 ءوڭىردىڭ دەنساۋلىق ساقتاۋ باسقارمالارىنىڭ باسشىلارىن قابىلدادى. بۇل شارا «دەنساۋلىق ساقتاۋدىڭ وزەكتى ماسەلەلەرى: ىسكە اسىرۋ جانە قازىرگى زامانعى سىن-قاتەرلەر» وقىتۋ سەمينارى اياسىندا ءوتتى, دەپ حابارلايدى astana-akshamy.kz.
قوناقتار پرەناتالدى دياگنوستيكاعا ماماندانعان جانە انا مەن بالا دەنساۋلىعىنا كەشەندى كوزقاراستى قامتاماسىز ەتەتىن ۇرىقتى قورعاۋ ورتالىعىنىڭ جۇمىسىمەن تانىستى.
سودان كەيىن باسشىلار گوسپيتالدىق فارماتسيا بولىمىنە باردى. بولىمدە ءدارى-دارمەكتەردى جەتكىزۋدى وڭتايلاندىرۋ جۇيەسى, جەكە ەسەپكە الۋ جانە ءدارى-دارمەك شىعىندارىن ازايتۋ ادىستەرى تۋرالى ءبىلدى.
ساپاردىڭ اسەرلى بولىگى قىزمەتكەرلەرگە الاقاندى بيومەتريالىق سكانەرلەۋ ارقىلى عيماراتقا كىرۋگە مۇمكىندىك بەرەتىن «Alaqan» جۇيەسىنىڭ تۇساۋكەسەرى بولدى.
مەديتسينانىڭ پروبلەمالارى مەن دامۋ پەرسپەكتيۆالارىن تالقىلاۋ, سونداي-اق وزىق تاجىريبەلەر مەن تەحنولوگيالارمەن الماسۋ باعدارلامانىڭ ماڭىزدى تارماعىنا اينالدى. مۇنداي ءىس-شارالار اۋرۋلارمەن كۇرەسۋ جانە ادامداردىڭ دەنساۋلىعىن ساقتاۋ ءۇشىن بىرلەسكەن باعدارلامالار جاساۋعا ىقپال ەتەدى.
