Astana Hub كومپانياسىنىڭ بىرىڭعاي كولل-ورتالىعىنىڭ تەلەفون ءنومىرى جاڭارتىلدى, دەپ حابارلايدى astana-akshamy.kz
قوڭىراۋ سانى ارتقاندىقتان جانە تەحنوپاركپەن نەعۇرلىم قولايلى ءوزارا بايلانىس ورناتۋ ءۇشىن Astana Hub كومپانياسى كونسۋلتاتسيالىق كەڭەستەر ۇسىناتىن بايلانىس ءنومىرىن وزگەرتتى. بىرىڭعاي كولل-ورتالىعىنىڭ بۇرىنعى 2222 ۋاقىتشا ءنومىرى اۋىسىپ, ورنىنا 1818 تۇراقتى ءنومىرى بەكىتىلدى.
Astana Hub-تىڭ ءبىلىم بەرۋ جانە ءتۇرلى اكسەلەراتسيالىق باعدارلامالارى قازاقستاندا عانا ەمەس, شەتەلدە دە سۇرانىسقا يە. وسى سەبەپتى, بيزنەسىن قازاقستان ايماعىنا كوشىرگىسى كەلەتىندەر, جاڭا داعدىنى يگەرۋگە ۇمتىلاتىن جاستار مەن ءوز جوباسىن حالىقارالىق نارىققا شىعارعىسى كەلەتىن كاسىپكەرلەر تەحنوپارك كولل-ورتالىعىنا جۇگىنىپ, قاجەتتى كەڭەس الا الادى.
«باستى ماقساتىمىز – Astana Hub-تىڭ بارلىق قاتىسۋشىسىن مەيىلىنشە جايلى ءارى ىڭعايلىلى سەرۆيسپەن قامتاماسىز ەتۋ. سوندىقتان وسى پروتسەسستەردى جاقسارتۋ ءۇشىن ۇدايى جۇمىس ىستەيمىز. بۇرىن كولل-ورتالىق ءنومىرى ۋاقىتشا بولسا, قازىر تۇراقتى نومىرگە كوشەتىن ۋاقىت كەلدى. وسىلايشا, قاتىسۋشىلارمەن جانە ەكوجۇيەگە مۇددەلى بارلىق اداممەن ورنىقتى ءارى ءتيىمدى بايلانىستى قامتاماسىز ەتە الامىز», – دەدى ازيز تىلەۋمۇراتوۆ, Astana Hub باسقارۋشى ديرەكتورى.
2021 جىلدان بەرى بايلانىس ورتالىعىنا 180 مىڭعا جۋىق قوڭىراۋ ءتۇسىپ, بارلىعى ءساتتى وڭدەلدى. پايدالانۋشىلار جۇگىنەتىن ماسەلەلەر نەگىزىنەن سالىقتىق پرەفەرەنتسيالارعا, اكسەلەراتسيالىق باعدارلامالار شارتتارىنا, تەحنوپارك قاتىسۋشىسى بولۋ راسىمدەرىنە, كەڭسەلەردى جالعا الۋ ماسەلەلەرىنە, وقىتۋ كۋرستارىنا, قازاقستاندا كومپانيا اشۋعا جانە Tech Orda باعدارلاماسىنا قاتىستى.
تيىمدىلىكتى ارتتىرۋ جانە بايلانىستى وڭتايلاندىرۋ ءۇشىن تەحنوپاركتە قاتىسۋشىلاردى قولداۋ ءوفيسى جۇمىس ىستەيدى, ونىڭ مىندەتتەرىنىڭ بىرىنە كولل-ورتالىق جۇمىسىن ۇيلەستىرۋ جاتادى. كولل-ورتالىق تەحنوپارك قىزمەتىنىڭ بارلىق باعىتى بويىنشا كەڭەس بەرىپ, قوڭىراۋلاردى تىركەيدى. ءار سۇراۋ ءتۇرىن ايقىنداپ, ءوتىنىش بەرۋشىلەر مەن قاتىسۋشىلارعا اقپاراتتىق-كونسۋلتاتسيالىق قولداۋ كورسەتەدى. پايدالانۋشىلارعا قوسىمشا مالىمەت قاجەت بولسا, Astana Hub-تىڭ ءتيىستى وفيسىمەن بايلانىستىرادى. سونداي-اق كىرىس سۇراۋلارىن وڭدەۋ ەرەجەلەرىنىڭ ساقتالۋىن نازارعا الىپ, حابارلاسقان تۇلعالاردىڭ قاناعاتتانۋ دەڭگەيى تۋرالى كەرى بايلانىس ورناتادى.
Astana Hub كولل-ورتالىعىنا پايدالانۋشىلار جۇمىس كۇندەرى استانا ۋاقىتى بويىنشا ساعات 9.00-دەن 18.30-عا دەيىن 1818 بىرىڭعاي ءنومىرى بويىنشا جۇگىنە الادى.
