2-4 شىلدە ارالىعىندا استاناداعى بىرقاتار ورتالىق كوشەلەر بويىندا اۆتوكولىكتەردى قويۋعا تىيىم سالىنادى, دەپ حابارلايدى astana-akshamy.kz
ەلوردادا 2-4 شىلدە ارالىعىندا شىۇ ءسامميتىن وتكىزۋ كەزەڭىندە تەرروريستىك قاۋىپتىلىكتىڭ «سارى» دەڭگەيى ەنگىزىلۋدە. مۇنداي دەڭگەيدىڭ ەنگىزىلۋى, سونىڭ ىشىندە جەكەلەگەن اۋماقتاردا كولىك قۇرالدارى مەن جاياۋ جۇرگىنشىلەردىڭ قوزعالىسىنا شەكتەۋلەر ەنگىزۋدى بىلدىرەدى.
قالانىڭ اكىمشىلىك پوليتسيا باسقارماسى وسىعان بايلانىستى «سارى» دەڭگەيدەگى ءىس-قيمىل كەزەڭىندە تۇرعىندارعا ماڭگىلىك ەل داڭعىلى, دوستىق, تۇركىستان, قوناەۆ جانە قابانباي باتىر داڭعىلدارىنىڭ بويىندا ورنالاسقان تۇرعىن ءۇي كەشەندەرىنىڭ جانىنداعى اۆتوتۇراقتاردى پايدالانۋعا تىيىم سالىنادى دەپ حابارلايدى.
بۇل رەتتە كولىكتەردى اۋلالاردىڭ ىشىندە نەمەسە جوعارىدا بەلگىلەنگەن كوشەلەرگە پاراللەلدى/ىرگەلەس قويۋعا تىيىم سالىنبايدى.
سونداي-اق بۇل كۇندەرى قوعامدىق كولىكتەر وسى كوشەلەر بويىمەن جۇرمەيدى. تۇرعىندارعا»CTS» الەۋمەتتىك جەلىلەرىندە جاريالاپ, بالاما مارشرۋتتار ۇسىنىلادى.
