وتكەن جىلدىڭ سوڭعى كۇنى استانادا جاڭا جىلدىق بۇقارالىق جۇگىرۋ جارىسى ۇيىمداستىرىلدى. وعان كەز كەلگەن ادام قاتىسۋعا مۇمكىندىك الىپ, ناتيجەسىندە 1000-نان اسا ادام جينالدى.
جارىس بوتانيكالىق باقتىڭ اقمەشىت كوشەسى تۇسىنان باستالدى. سوڭعى مەجە ەكسپو اۋماعىنداعى باس شىرشا ماڭى بولدى. قاتىسۋشىلار كەلگەن جىلعا وراي 2024 مەتر قاشىقتىقتى جۇگىرىپ ءوتتى. مارەگە ءبىرىنشى جەتكەن العاشقى 1000 ادامعا قاتىسقانى ءۇشىن سيمۆوليكالىق مەدالدار تاپسىرىلدى. قاتىسۋشىلاردىڭ اراسىندا لوتەرەيا ويناتىلىپ, 5 ادام ۆەلوسيپەد ۇتىپ الدى.
جالپى بيىل ەلوردادا بۇقارالىق جۇگىرۋ جارىسى كوپ وتكىزىلدى. اتاپ ايتقاندا, Astana Run, Astana Half, Astana Marathon, Koktal Run جارىستارى, قايىرىمدىلىق جۇگىرۋ جارىسى, ترياتلوندار, ينكليۋزيۆتى فەستيۆالدەر, تالعات بيگەلدينوۆتىڭ 101 جىلدىعى قۇرمەتىنە ارنالعان جۇگىرۋ جانە باسقا دا ءىس-شارالار ۇيىمداستىرىلدى.
