استانادا 3 ملن تەڭگەنىڭ التىن بۇيىمىن ۇرلاعان لومبارد قىزمەتكەرى قۇرىقتالدى, – دەپ حابارلايدى astana-akshamy.kz
سارىارقا اۋدانى پوليتسيا باسقارماسىنىڭ كريمينالدىق پوليتسيا قىزمەتكەرلەرى جەدەل-ىزدەستىرۋ ءىس-شارالارىن جۇرگىزۋ بارىسىندا ۇرلىق جاسادى دەگەن كۇدىكپەن 33 جاستاعى قالا تۇرعىنىن انىقتادى.
تەرگەۋ بارىسىندا ايەلدىڭ قالانىڭ وڭ جاق جاعالاۋىندا ورنالاسقان لومباردتاردىڭ بىرىندە زەرگەرلىك بۇيىمداردى باعالاۋشى بولىپ جۇمىس ىستەيتىنى بەلگىلى بولدى. ءبىر اي كولەمىندە جۇمىس ىستەگەن قاسكۇنەم ءارتۇرلى التىن بۇيىمداردى الىپ شىعىپ, كورشى لومباردتارعا وتكىزگەن. تۇسكەن اقشانى ءوز كەرەگىنە جاراتقان.
كەلتىرىلگەن ماتەريالدىق شىعىن – 3 ميلليون تەڭگە.
اتالعان فاكتى بويىنشا قىلمىستىق ءىس قوزعالدى. ايەل مويىنداۋ كورسەتپەلەرىن بەردى. ونىڭ ەلوردا اۋماعىندا جاسالعان وسىعان ۇقساس باسقا دا قىلمىسقا قاتىسى بار-جوعى تەكسەرىلىپ جاتىر.
