كاسىپورىنداردىڭ كوللەدجدەرگە قامقورلىعىن جۇزەگە اسىرۋ بويىنشا جۇمىستار جۇرگىزىلۋدە, دەپ حابارلايدى astana-akshamy.kz قر وقۋ-اعارتۋ مينيسترلىگىنىڭ ءباسپاسوز قىزمەتىنە سىلتەمە جاساپ.
قازىرگى ۋاقىتتا 518 كاسىپورىن 410 كوللەدجگە قامقورلىق جاساپ, قامقورشىلىق كەڭەستەر مەن سالالىق كەڭەستەر ارقىلى كوللەدجدەردى باسقارۋعا قاتىسىپ كەلەدى.
«104 مىڭنان استام ستۋدەنت كاسىبي پراكتيكادان, 4 مىڭنان استام پەداگوگ كاسىپورىندار بازاسىندا تاعىلىمدامادان ءوتتى. كوللەدجدەر قامقورلىق كورسەتەتىن كاسىپورىنداردىڭ قاتىسۋىمەن 4 مىڭنان استام ءبىلىم بەرۋ باعدارلاماسىن جاڭارتتى. بيىل ماقساتتى تاپسىرىس بويىنشا جۇمىسقا ورنالاستىرۋ مىندەتتەمەسىمەن تاعى 10 مىڭ ستۋدەنت قابىلدانادى», – دەيدى تەحنيكالىق جانە كاسىپتىك ءبىلىم دەپارتامەنتىنىڭ ديرەكتورى اسەت مۇحانبەتوۆ.
سونىمەن قاتار, دۋالدى وقىتۋدى وڭىرلەردە تاراتۋ جالعاسۋدا. بيىل ەلىمىزدەگى 9 مىڭ كاسىپورىندا دۋالدى وقىتۋ اياسىندا 91 مىڭنان استام كوللەدج ستۋدەنتى وندىرىستىك تاجىريبەدەن وتۋدە.
