5-ءشى دۇنيەجۇزىلىك كوشپەندىلەر ويىندارىنا 2500 استام سپورتشى كەلەدى دەپ كۇتىلۋدە

5-ءشى دۇنيەجۇزىلىك كوشپەندىلەر ويىندارىنا 2500 استام سپورتشى كەلەدى دەپ كۇتىلۋدە, دەپ حابارلايدى astana-akshamy.kz

5-ءشى دۇنيەجۇزىلىك كوشپەندىلەر ويىندارى 8-13 قىركۇيەك ارالىعىندا استانادا وتەدى. باعدارلاماعا 21 سپورت ءتۇرى ەندى. ونىڭ ىشىندە جارتىسى قازاقتىڭ ۇلتتىق سپورت تۇرلەرى, قالعانى كوپتەگەن تۇركى ەلدەرىنىڭ ۇلتتىق سپورت تۇرلەرى. بۇل تۋرالى وكق الاڭىندا قر تۋريزم جانە سپورت ۆيتسە-ءمينيسترى سەرىك جاراسباەۆ حابارلادى.

«ويىندارعا 89 ەلدەن دەلەگاتسيالار قاتىساتىنىن راستادى. 2500 استام سپورتشى كەلەدى دەپ كۇتىلۋدە», – دەدى سپيكەر ءباسپاسوز كونفەرەنتسياسى بارىسىندا.

سپورتتىق ينفراقۇرىلىمعا توقتالا كەلە, ۆيتسە-مينيستر «ءبىر سىزىق» كونتسەپتسياسى قولدانىلاتىنىن اتاپ ءوتتى.

«قابانباي باتىر مەن تۇران داڭعىلدارىندا تۇرعان سپورت نىساندارى پايدالانىلادى. نەگىزگى 7 سپورت نىسانى. «استانا ارەنادا» جارىستىڭ سالتاناتتى اشىلۋ ءراسىمى وتەدى, ج.ۇشكەمپىروۆ اتىنداعى جەكپە-جەك سارايىندا كۇرەس تۇرلەرىنەن جارىس وتەدى, جەڭىل اتلەتيكا مانەجى – اككرەديتاتسيالاۋعا ارنالعان. سونداي-اق, ۇلتتىق ات سپورتى تۇرلەرىن وتكىزۋ ءۇشىن «قازانات» يپپودرومى رەكونسترۋكتسيادان وتكىزىلىپ جاتىر. «دۋمان» قوناق ۇيىندە توعىزقۇمالاق, مانگالا جانە ت.ب. سپورت تۇرلەرىنەن جارىستار وتەدى», – دەدى س.جاراسباەۆ.

سونىمەن قاتار, شارا اياسىندا حالىقارالىق عىلىمي-تاجىريبەلىك كونفەرەنتسيا ۇيىمداستىرىلادى.