«استانا – جاڭا قالا» اەا جانە «استانا – تەحنوپوليس» اەا قاتىسۋشىلارى 6 مىڭعا جۋىق جۇمىس ورنىن اشتى, دەپ حابارلايدى astana-akshamy.kz
ەلوردادا ەكى ارنايى ەكونوميكالىق ايماق – «استانا – جاڭا قالا» جانە «استانا – تەحنوپوليس» جۇمىس ىستەيدى.
ولار ينۆەستيتسيالار تارتۋ جانە باسىم سالالاردا باسەكەگە قابىلەتتى وندىرىستەر قۇرۋ ارقىلى قالانىڭ ەكونوميكالىق دامۋىن ىنتالاندىرۋ ماقساتىندا قۇرىلعان. اەا رەزيدەنتتەرگە بيزنەستى جۇرگىزۋ جانە پەرسپەكتيۆالى جوبالاردى ىسكە اسىرۋ ءۇشىن قولايلى جاعدايلار جاساي وتىرىپ, بىرەگەي جەڭىلدىكتەر مەن پرەفەرەنتسيالار بەرەدى.
«ارنايى ەكونوميكالىق ايماقتىڭ قاتىسۋشىسى رەتىندە قىزمەتتى جۇزەگە اسىرۋ ءۇشىن ينۆەستورعا قويىلاتىن نەگىزگى تالاپتاردىڭ ءبىرى زاڭدى تۇلعانى قازاقستان رەسپۋبليكاسىندا تىركەۋ جانە قىزمەتتىڭ باسىم تۇرلەرىنىڭ ءبىرىن جۇزەگە اسىرۋ بولىپ سانالادى. قازىرگى ۋاقىتتا «استانا تەحنوپوليس» جانە «استانا – جاڭا قالا» ارنايى ەكونوميكالىق ايماقتارىنىڭ قاتىسۋشىلارى 346 كومپانيا بولىپ سانالادى, ولاردىڭ 110-ى №1 يندۋستريالىق پاركتە ورنالاسقان. ەكسپورت كولەمى ولاردىڭ قىزمەتى باستالعاننان بەرى 140 ملرد تەڭگەنى, سالىق اۋدارىمدارىنىڭ كولەمى – 341 ملرد تەڭگەنى قۇرادى», – دەدى «Astana Invest» جشس ينۆەستيتسيالىق جوبالار دەپارتامەنتى ديرەكتورىنىڭ ورىنباسارى رۋسلان چيليمانوۆ.
بۇل باعدارلامالار كاسىپكەرلەرگە تابىسقا جەتۋ جولىندا كەزدەسەتىن قارجىلىق جانە ۇيىمداستىرۋشىلىق كەدەرگىلەردى جەڭۋگە كومەكتەسەتىن نەگىزگى قۇرالدار بولىپ سانالادى.
«ءبىز – «استانا – جاڭا قالا» ارنايى ەكونوميكالىق ايماعىنىڭ قاتىسۋشىلارىمىز. ناۋرىز ايىندا گازدالعان بەتون بلوكتارىن شىعاراتىن زاۋىتتى ىسكە قوستىق. قازىر 90% قۋاتقا شىقتى, ماۋسىم ايىندا 100% قۋاتقا شىعۋدى جوسپارلاپ وتىرمىز. زاۋىت 95% اۆتوماتتاندىرىلعان. بۇل بىزگە بارلىق تەحنيكالىق شارتتارعا سايكەس كەلەتىن ساپالى ءونىم شىعارۋعا مۇمكىندىك بەرەدى. ءبىزدىڭ بولاشاق جوسپارلارىمىز – قالانى تۇتىنىلاتىن ونىممەن قامتاماسىز ەتۋ جانە باسقا ەلدەرگە ەكسپورتقا شىعۋ», – دەدى «DAT KZ» جشس ءوندىرىس باستىعى يۋري ۆەليكانوۆ.
مەملەكەتتىك قولداۋ شارالارىنىڭ ارقاسىندا ەلوردانىڭ ارنايى ەكونوميكالىق ايماقتارىنىڭ قاتىسۋشىلارى تۇرعىندار ءۇشىن 6 مىڭعا جۋىق جاڭا جۇمىس ورنىن اشتى.
