استانادا 63 ازامات قايتارىمسىز گرانتقا يە بولدى, دەپ حابارلايدى astana-akshamy.kz
ەلوردادا 400 اەك-كە دەيىنگى قايتارىمسىز گرانت بويىنشا كوميسسيا وتىرىسى جۇمىسىن اياقتادى.
العاشقى لەكتە استانا قالاسىنىڭ ەڭبەك موبيلدىگى ورتالىعىنا 721 ادام ءوتىنىم بەرىپ, بيزنەس-يدەيالارىن ۇسىنعان.
وسى جىلدىڭ 3-7 ماۋسىم ارالىعىندا ۇمىتكەرلەر كوميسسيا الدىندا جوبالارىن قورعاپ, ناتيجەسىندە 63 ادامعا قايتارىمسىز گرانت ماقۇلداندى. الەۋمەتتىك وسال توپ ازاماتتارىنىڭ بيزنەس-جوباسىن جۇزەگە اسىرۋ ماقساتىندا بەرىلەتىن قايتارىمسىز قاراجات الۋعا وتىنىمدەر ەلەكتروندى فورماتتا قابىلداندى. بۇل قولداۋعا ەڭبەككە قابىلەتتى مۇگەدەكتىگى بار ادامدار, قانداستار, اتاۋلى الەۋمەتتىك كومەك الۋشى وتباسىلار, مۇگەدەكتىگى بار بالانى تاربيەلەپ وتىرعاندار وتباسىلار, اسىراۋشىسىنان ايىرىلۋ بويىنشا جاردەماقى الاتىن وتباسىلار تاراپىنان وتىنىمدەر ءتۇستى.
قاتىسۋشىلاردىڭ جۇمىسسىزدىققا تىركەلگەن نەمەسە تىركەۋ مەرزىمى 3 جىلعا دەيىنگى جەكە كاسىپكەر بولۋى كەرەك بولاتىن.
سونىمەن قاتار ۇمىتكەردىڭ «باستاۋ بيزنەس» جوباسى بويىنشا كاسىپكەرلىك نەگىزدەرىنە وقىعانى تۋرالى مەرزىمى ءۇش جىلدان اسپايتىن سەرتيفيكاتى بولۋى شارت ەدى.
كوميسسيا وتىرىسىنىڭ اشىقتىعىن قامتاماسىز ەتۋ ءۇشىن, الەۋمەتتىك جەلىلەردەگى رەسمي پاراقشالار ارقىلى تىكەلەي ەفير ۇيىمداستىرىلىپ, قالا تۇرعىندارى جۇمىس بارىسىنا قوعامدىق باقىلاۋ جاسادى. كوميسسيا وكىلدەرى بيزنەس-جوبالاردىڭ ومىرشەڭدىگىنە, باسەكەگە قابىلەتتىلىگىنە جانە ۇمىتكەردىڭ كاسىبيلىگىنە نازار اۋداردى.
كوميسسيا شەشىمىمەن وڭ قورىتىندى العان بيزنەس-جوبالار:
– تاماق ونەركاسىبى – 16;
– تىگىن ءىسى – 12;
– ءبىلىم بەرۋ قىزمەتتەرىن كورسەتۋ – 7;
– تۇرمىستىق سەرۆيستىك قىزمەتتەر كورسەتۋ – 5;
– قوعامدىق تاماقتانۋ سالاسىندا قىزمەت كورسەتۋ – 4;
– ونەر, سپورت, ويىن-ساۋىق, دەمالىس, كۇتىم جانە سۇلۋلىق سالاسىنداعى قىزمەتتەر – 4;
– مەديتسينالىق جانە الەۋمەتتىك قىزمەتتەر – 3;
– ءوندىرىس جانە ونەركاسىپ – 3;
– سەرۆيستىك قىزمەت كورسەتۋ – 2;
– كوتەرمە جانە بولشەك ساۋدا – 2;
– اۆتوموتوكولىك قۇرالدارىنا سەرۆيستىك قىزمەت كورسەتۋ – 1;
– اكىمشىلىك, باسقارۋشىلىق جانە اقپاراتتىق قىزمەت, دەلدالدىق قىزمەتتەر – 3;
– قىزمەتتىڭ باسقا تۇرلەرىن ۇسىنۋ – 1.
قازىرگى تاڭدا گرانت يەگەرلەرىمەن كەلىسىمشارت جۇمىستارى جۇرگىزىلۋدە.
ايتا كەتۋ كەرەك, بۇل قولداۋ تۇتىنۋشىلىق ماقساتقا, كرەديتتى وتەۋگە, جىلجىمايتىن تۇرعىن ءۇي ساتىپ الۋعا جانە سالۋعا, جەر تەلىمدەرىن ساتىپ الۋعا بەرىلمەيدى.
