ەلوردادا بەس اپتالىق «تازا قازاقستان» ەكولوگيالىق اكتسياسى اياقتالدى. وعان 372 مىڭ ادام قاتىسىپ, 5 مىڭنان استام ارنايى تەحنيكا جۇمىلدىرىلدى.
كەز كەلگەن قالانىڭ اجارى ونىڭ تازالىعىنا تiكەلەي بايلانىستى دەسەك, ەلوردادا جىل سايىن تازالىق ايلىعىن ۇيىمداستىرۋ, استانانىڭ اينالاسىن, ۇيلەردiڭ ماڭايى مەن اۋلالاردى مۇنتازداي جارقىراتىپ, تازا ۇستاۋ باعىتىندا اۋقىمدى ءىس-شارالار وتكىزۋ داستۇرگە اينالدى. يگى ءىستى جالعاستىرعان جۇرتشىلىق ايلىق اياسىندا تاڭمەن تالاسا تۇرىپ, قالانىڭ ءتارتiبi مەن تازالىعىن ەسەلەۋگە ۇلەس قوسۋ ءۇشiن قولىنا كەتپەن-كۇرەك الىپ, تال-تەرەك وتىرعىزىپ, كوشەلەردi كۇل-قوقىستان ارىلتتى.
ەلوردا اكىمدىگى ءباسپاسوز قىزمەتىنىڭ حابارلاۋىنشا, 13 ساۋىردەن باستاپ ەلوردادا ۇيىمداستىرىلعان ەكولوگيا سەنبىلىگى بارىسىندا 5389 ارنايى تەحنيكامەن «استانا ەكو پوليگونى» جشس-كە 7 مىڭ تونناعا جۋىق قوقىس شىعارىلدى. اكتسيا اياسىندا 209 مىڭ جاسىل جەلەك ەگىلدى, ونىڭ ىشىندە «جاسىل بەلدەۋ» اۋماعىندا 200 مىڭنان استام كوشەت وتىرعىزىلدى.
8-13 ءساۋىر ارالىعىندا ەلوردادا «تازا ولكە» اتتى اكتسيانىڭ ءبىرىنشى اپتاسى ءوتتى, ونىڭ شەڭبەرىندە اۋدان اكىمدىكتەرى, تۇرعىندار, قوعام بەلسەندىلەرى, شاعىن جانە ورتا بيزنەس, ۇيىمدار مەن كاسىپورىندار وزدەرىنىڭ ىرگەلەس اۋماعى مەن اۋلاسىن جينادى. سەنبىلىككە 115 مىڭنان استام ادام, سونداي-اق 3,5 مىڭ كاسىپورىن مەن مەكەمە قاتىستى.
15-20 ءساۋىر ارالىعىندا مادەني مۇرا وبەكتىلەرىن رەتكە كەلتىرۋگە ارنالعان «كيەلى مەكەن» اپتالىعى ءوتتى. قورىتىندىسىندا اۋماعى 1,4 ملن شارشى مەتردى قۇرايتىن 84 ەسكەرتكىش اباتتاندىرىلىپ, تازارتىلدى. اكتسياعا بارلىعى 57 مىڭنان استام ادام قاتىسىپ, مادەني ورىنداردىڭ اينالاسىن كۇل-قوقىستان تازارتتى. سونداي-اق وسى كەزەڭدە ەلوردانىڭ 25 مەكتەبىندە «EcoIzdenpaz» ساباقتارى, «مەكتەپ مۇلكىنە ۇقىپتى قاراۋ» چەللەندجى, «تازالىقتى وزىڭنەن باستا» بەينەمەسسەندجدەرى, «ەكو-دەباتتار» ءوتتى. چەللەندجدى ەلوردانىڭ 15 جوعارى وقۋ ورنى قولدادى. سونىمەن قاتار « توقتا, ۆاندال!» جانە «جاس سارباز» جاۋىنگەرلەرىنىڭ قولداۋىمەن اكتسيا ۇيىمداستىرىلدى.
22-27 ءساۋىر ارالىعىندا وتكەن «جاسىل ايماق» اپتالىعىندا اعاشتار وتىرعىزىلىپ, تال-تەرەكتەردى اكتەۋ, كەسۋ, قولدا بار جاسىل جەلەكتەردى تاجدەۋ جۇمىسى جۇرگىزىلدى. اكىمدىكتىڭ مالىمەتىنشە, بۇگىنگى تاڭدا قالادا بارلىعى 1,4 مىڭنان استام جاسىل جەلەك, ونىڭ ىشىندە 836 مىڭ اعاش, 624 مىڭ بۇتا بار.
27 ساۋىردە جالپىقالالىق سەنبىلىك ءوتتى, وعان 120 مىڭنان استام ادام, ونىڭ ىشىندە 7 مىڭ ستۋدەنت قاتىستى. ۆەدومستۆو بۇل وتكەن كوكتەمگى جالپىقالالىق سەنبىلىككە قاراعاندا, ەكى ەسە كوپ ەكەنىن اتاپ ءوتتى. ءبىر كۇندە 4883 اعاش جانە 256 بۇتا وتىرعىزىلدى, ونىڭ ىشىندە «ۇلىتاۋ» اللەياسىندا 430 اعاش ەگىلدى. سونداي-اق بوكستان ازيا چەمپيوندارى, سپورتشىلار ايتەكە بي كوشەسىندەگى نۇرا اۋدانىنا 300 المۇرت اعاشىن وتىرعىزدى.
29 ءساۋىر-4 مامىر ارالىعىندا «ونەگەلى ۇرپاق» اپتالىق اكتسياسى ۇيىمداستىرىلدى. جاستار, اۋدان اكىمدىكتەرى مەن بەلسەندى قالا تۇرعىندارى ارداگەرلەر تۇراتىن اۋلالاردى, بالالار ءۇيى مەن قارتتار ءۇيىن تازالاپ, اباتتاندىردى. اكتسياعا بارلىعى 46 مىڭنان استام ادام قاتىستى. 70 مىڭنان استام جاسىل جەلەك وتىرعىزىلدى, ونىڭ ىشىندە قالاداعى «جاسىل بەلدەۋ» اۋماعىنا 1337 اعاش, 256 بۇتا, 68 مىڭ كوشەت وتىرعىزىلدى.
«شاراپات» الەۋمەتتىك قىزمەت كورسەتۋ ورتالىعىنىڭ اۋماعىندا 50-دەن استام قىلقان جاپىراقتى, قايىڭ جانە قاراعاي اعاشتارى, «نۇرلى جۇرەك» ورتالىعىنىڭ اۋماعىندا 40 الما اعاشى وتىرعىزىلدى.
بىرىككەن مۇراجايلار ديرەكتسياسى قىزمەتكەرلەرى «الاش» ساياباعىنىڭ, «الجير» مۇراجاي-مەموريالدىق كەشەنىنىڭ اۋماعىن تازالاپ, 20 الما اعاشىن وتىرعىزدى.
ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ ستۋدەنتتەرى مەن «ەگەمەن قازاقستان» رەسپۋبليكالىق گازەتىنىڭ وكىلدەرى «جۋرناليستەر اللەياسىندا» تازالاۋ جۇمىسىن ۇيىمداستىردى.
6-11 مامىر ارالىعىندا «ءمولدىر بۇلاق» اتتى اكتسيانىڭ قورىتىندى اپتالىعى ءوتتى. ءىس-شارا اياسىندا وتان قورعاۋشىلار كۇنى مەن جەڭىس كۇنى سۋ ايدىندارى اباتتاندىرىلىپ, سانيتارلىق تازارتۋ جۇمىسى جۇرگىزىلدى. وعان 30 مىڭنان استام ادام قاتىسىپ, 387 ارنايى تەحنيكا جۇمىلدىرىلدى.
20 ساۋىردە قر پرەزيدەنتى تەلەراديوكەشەنىنىڭ ۇجىمى «تازا قازاقستان» رەسپۋبليكالىق ەكواكتسياسىنا قوسىلدى. سەنبىلىك بارىسىندا جەلىلىك ساياباقتىڭ اۋماعى تازالاندى. بىرلەسكەن كۇش-جىگەرمەن 250-دەن استام قاپ قوقىس جينالىپ, شىعارىلدى. 5 مامىردا قالالىق سەنبىلىك اياسىندا كومپانيانىڭ 150 قىزمەتكەرى بوتانيكالىق باقتىڭ اۋماعىنا 50 قاراعاي كوشەتىن وتىرعىزدى.
وسىلايشا, ەلوردانىڭ ەڭبەككە جارامدى جاستاعى ازاماتتارى ەكولوگيا سەنبىلىگىنە ءوز ۇلەسىن قوسىپ, اۋلانىڭ نەمەسە جۇمىس ىستەيتىن مەكەمەنىڭ ماڭىن تازالاپ, اينالانى كوگالداندىرۋعا, استانانى اباتتاندىرۋعا اتسالىستى.
