رەسەيدە ادىراسپان وسىمدىگىنە تىيىم سالىندى, دەپ حابارلايدى astana-akshamy.kz
باس پروكۋراتۋرا وسى جاعدايعا بايلانىستى تۇسىنىك بەردى.
«رەسەي فەدەراتسياسىنىڭ قولدانىستاعى زاڭناماسىنا سايكەس «گارمالا» («ادىراسپان») وسىمدىگى قۇرامىندا ەسىرتكى نەمەسە پسيحوتروپتىق زاتتار نەمەسە ولاردىڭ پرەكۋرسورلارى بار وسىمدىكتەر تىزىمىنە ەنگىزىلگەن», – دەلىنگەن حاباردا.
بۇل وسىمدىكتى رەسەي فەدەراتسياسىنىڭ مەملەكەتتىك شەكاراسى ارقىلى زاڭسىز وتكىزگەنى ءۇشىن ءۇش جىلدان جەتى جىلعا دەيىنگى مەرزىمگە باس بوستاندىعىنان ايىرۋ جانە ءبىر ميلليون رۋبلگە دەيىنگى نەمەسە سوتتالعان ادامنىڭ بەس جىلعا دەيىنگى كەزەڭدە جالاقىسى نەمەسە باسقا كىرىسى مولشەرىندە ايىپپۇل تۇرىندە نەمەسە ونسىز جانە ءبىر جىلعا دەيىنگى مەرزىمگە باس بوستاندىعىن شەكتەۋمەن نەمەسە ونسىز قىلمىستىق جاۋاپتىلىق قاراستىرىلعان, ال وسىمدىكتى اسا ءىرى مولشەردە اكەلگەنى ءۇشىن – 15 جىلدان 20 جىلعا دەيىن باس بوستاندىعىنان ايىرۋ كوزدەلگەن.
«رەسەي فەدەراتسياسىنىڭ اۋماعىنا دەمالىس كەزىندە كەتەتىن ازاماتتار سانىنىڭ ارتۋىنا بايلانىستى, قىلمىستىق جاۋاپكەرشىلىكتى بولدىرماۋ ءۇشىن باس پروكۋراتۋرا ازاماتتارعا اتالعان وسىمدىكتى رەسەي فەدەراتسياسىنىڭ مەملەكەتتىك شەكاراسى ارقىلى وتكىزۋگە بولمايتىنىن ەسكەرتەدى», – دەلىنگەن حابارلامادا.
سۋرەت: osken-onir.kz
