مەنىڭ سۇيىكتى ۇستازىم – ايدا باقىتجانقىزى. ول – سىنىپتاعى بارلىق وقۋشىنى بىردەي جاقسى كورىپ, بويىمىزدان ادەپتىلىك پەن جاقسى قاسيەتىمىزدى كورەتىن جانە مەنىڭ ۇلگى تۇتار ۇستازىم.
مەكتەپكە كەلگەندە ءبىز ۇستاناتىن قاعيدا وسى:
كۇلىمدەپ كۇن بۇگىن قارادى ماعان دا.
كۇلىمدەپ كۇن بۇگىن قارادى ساعان دا.
كۇلىمدەپ كۇن بۇگىن قارادى بارشاعا.
نەگىزىندە, كۇندەلىكتى ساباقتا ءبىز ءوزىمىزدى ەل قورعايتىن ەرەكشە بالا سەزىنەمىز, سەبەبى ءبىزدى: «ەستە ساقتايىق. وتىرىك ايتپا. ۋادەدە تۇر, كىتاپتى جىرتپا» دەپ كۇندەلىكتى ايتىپ, جاقسىلىققا باۋلىپ وتىرادى. ال ءبىز جاقسى بولۋعا تىرىسامىز.
ءىى توقساننان باستاپ ەلوردانىڭ بارلىق ءبىلىم بەرۋ ۇيىمىندا «8 مينۋتتىق كوركەم ادەبيەت وقۋ» جوباسى باستالعانى بەلگىلى. ءبىز ءۇشىن ساباق الدىندا 8 مينۋت كىتاپ وقۋ – كەرەمەت جوبا. قازىرگى تاڭدا مۇحتار اۋەزوۆتىڭ «كوكسەرەك» پوۆەسىن سىنىبىمىزبەن وقۋدى باستادىق. ءبىز وسى وقۋلارعا اسىعامىز, سەبەبى دوستارىمىزبەن بىرگە وقۋ ەرەكشە قىزىق. ال مەن «كوكسەرەك» اڭگىمەسىنىڭ 1929 جىلى جازىلىپ, پولياك, موڭعول, نەمىس, ەستون, ۆەنگر, گوللاند تىلدەرىنە اۋدارىلعانىن جانە 1974 جىلى فيلم بولىپ جارىققا شىققانىن ءبىلدىم. وسى 8 مينۋت ىشىندە الار ءبىلىمىمىز بەن ءىلىمىمىز وتە كوپ.
ءبىز ەشقاشان وتىرىك ايتپايتىن بالانى شىنشىل دەيمىز. قولىنداعى زاتپەن بولىسەتىن بالانى جومارت دەيمىز. ساباققا كەشىكپەيتىن بالانى جاۋاپتى, ۇنەمى اتا-اناسىنا كومەكتەسەتىن بالانى تىلالعىش دەيمىز. كوپ وقيتىن بالانى اقىلدى دەيمىز. وسىنداي ءارتۇرلى قاسيەت بارلىعىمىزدىڭ بويىمىزدا بار. ۇستازىم ايتقانداي, ءبىز ادەپتى بالامىز!
ايسانا سەرىكباي,
سىرباي ماۋلەنوۆ اتىنداعى №37 مەكتەپ-ليتسەيدىڭ
4-سىنىپ وقۋشىسى
