ەلدىڭ جانە ەلوردانىڭ ساياسي-قوعامدىق, الەۋمەتتىك-ەكونوميكالىق,
رۋحاني-مادەني دامۋىندا ايەلدەردىڭ ۇلەسى قوماقتى. وسى ورايدا استانا قالاسىنىڭ جەتىستىگى ايەلدەرمەن تىعىز بايلانىستى ەكەنىن ماقتانىشپەن ايتقىم كەلەدى.
ەلوردادا 1,4 ميلليوننان اسا ادام تۇرسا, سونىڭ 750 مىڭنان استامى – ايەل. 30 مىڭعا جۋىق كوپبالالى وتباسىنىڭ 6,5 مىڭى – «التىن القا» جانە «كۇمىس القا» يەسى.
باسقا وڭىرلەرمەن سالىستىرعاندا ەلوردادا ساياسي جانە قوعامدىق ومىرگە بەلسەندى ارالاساتىن ايەلدىڭ قاتارى باسىم. ماسەلەن, قالادا ەكونوميكالىق بەلسەندى ايەلدەردىڭ ۇلەسى 51 پايىزدى قۇرايدى. بۇل – 353 مىڭنان استام ادام. ونىڭ ىشىندە ونەركاسىپ كاسىپورىنداردا جۇمىس ىستەيتىن ايەلدەردىڭ سانى 100 مىڭنان اسادى. شاعىن جانە ورتا بيزنەس سۋبەكتىلەرىن 90 مىڭعا جۋىق نازىك جاندى باسقارادى. 75 مىڭنان اسا ايەل مەديتسينا مەن ءبىلىم بەرۋ سالاسىندا ەڭبەك ەتەدى.
مەملەكەت باسشىسى قاسىم-جومارت توقاەۆتىڭ باستاماسىمەن ايەلدەردى ساياسي-قوعامدىق جۇمىسقا تارتۋعا ەرەكشە كوڭىل بولىنۋدە. بۇگىندە قالاداعى ايەلدەردىڭ 50 پايىزعا جۋىعى مەملەكەتتىك قىزمەتتە جۇمىس ىستەيدى. قالالىق ماسليحاتتاعى ايەلدەردىڭ ۇلەسى 24 پايىزدى, قوعامدىق كەڭەستە 20 پايىزدى قۇرايدى. قوعامدىق ۇيىمدارداعى باسشىلىق قىزمەتتىڭ 80 پايىزىن ايەلدەر اتقارادى.
Amanat پارتياسىنىڭ قالالىق فيليالى جانىنان ايەلدەر قاناتى قۇرىلىپ, ول كوشباسشى ايەلدەردىڭ جاڭا بۋىنىن تاربيەلەۋگە باعىتتالدى. ىسكەر ايەلدەر قاۋىمداستىعىمەن بىرلەسكەن «مەيىرىمدىلىك كەرۋەنى» جوباسى ىسكە اسۋدا. ماقسات – ازاماتتىق باستامالاردى قولداۋ, ادامگەرشىلىك قۇندىلىقتاردى نىعايتۋ.
الەۋمەتتىك ساياسات مودەلى وتباسىنىڭ ءال-اۋقاتىن جاقسارتىپ, قوعام مۇشەلەرىنىڭ تۇرمىس دەڭگەيىن كوتەرىپ, ۇلتتىق قۇندىلىقتاردى دارىپتەپ, ونى جاستاردىڭ بويىنا ءسىڭىرىپ, ۇرپاقتار ساباقتاستىعىن ساقتاۋدان كورىنەدى. ارينە, ەلوردادا ايەلدەر ىستەرى جانە وتباسى-دەموگرافيا ساياساتى جونىندەگى كوميسسيا وسى باعىتتا ءتيىمدى جۇمىس ىستەۋدى جولعا قويدى. كوميسسيا قۇرامىنا ءار سالادا جۇمىس ىستەيتىن ازاماتتاردىڭ ەنۋى ايەل قۇقىعى مەن مۇمكىندىگىن قورعاۋ, وتباسى-دەموگرافيا ساياساتىن نىعايتۋعا ىقپال ەتەدى. مەملەكەتتىك ورگاندارمەن, ۇكىمەتتىك ەمەس ۇيىمدارمەن, ازاماتتىق قوعام ينستيتۋتتارىمەن ىنتىماقتاسا جۇمىس ىستەپ, تىڭ ۇسىنىستار دايىنداپ, وتباسى مۇددەسىن قورعاۋدى باسشىلىققا الدىق.
ءۇش جۇمىس توبىن (كوشباسشى جانە ومىرلىك قيىن جاعدايداعى ايەلدەر, سونداي-اق, وتباسى قۇندىلىقتارى) قۇرىپ, وسى باعىتتا جۇمىس ىستەيمىز.
2023 جىلى كوميسسيا 50-گە جۋىق ءىس-شارانى جۇزەگە اسىردى. 100-دەن استام كوپبالالى وتباسى مەن قيىن جاعدايعا تاپ بولعان ايەلدەرگە قولداۋ كورسەتىلدى.
«اتامەكەن» وڭىرلىك كاسىپكەرلەر پالاتاسىنىڭ الاڭىندا ايەلدەر كاسىپكەرلىگىن دامىتۋ ورتالىعى جۇمىس ىستەيدى. وندا 800-دەن استام قىزمەت كورسەتىلدى, ونىڭ ىشىندە «الەۋمەتتىك جەلىلەردەگى ماركەتينگ», «ەلەكتروندىق كوممەرتسيا», «بۋحگالتەرلىك ەسەپ», «ۆەب ديزايندى» ەرەكشە اتاۋعا بولادى.
ەلوردادا ايەلدەردى جۇمىسپەن قامتۋ جانە كاسىپكەرلىككە تارتۋ جۇمىسى جالعاسۋدا. جۇمىسپەن قامتۋ شارالارى 16 مىڭعا جۋىق ايەلدى قامتىدى, جاڭا بيزنەس-يدەيالاردى جۇزەگە اسىرۋعا 85 گرانت جانە جاستارعا 274 شاعىن نەسيە بەرىلدى.
ايەلدەر ىستەرى جونىندەگى كوميسسيانىڭ جۇيەلى جۇمىسى ايەلدەرگە پسيحيكالىق قىسىمعا قارسى باعىتتا كورىنەدى. مەملەكەتتىك ورگاندارمەن بىرلەسىپ قابىلداعان شارالار ارقاسىندا ەلوردادا تۇرمىستاعى زورلىق-زومبىلىق فاكتىلەرىنىڭ ازايعانى بايقالادى. ناتيجەسىندە وتباسى-تۇرمىستا قۇقىق بۇزۋشىلىق 30 پايىزعا تومەندەدى. قالالىق پوليتسيا تۇرمىستاعى قۇقىق بۇزۋشىلىقتى تىركەۋدىڭ دەكلاراتيۆتى سيپاتىنان انىقتاۋ سيپاتىنا كوشتى. بۇل جابىرلەنۋشىلەردىڭ ارىزىنسىز اكىمشىلىك قۇقىق بۇزۋشىلىق تۋرالى ىستەردى قوزعاۋعا مۇمكىندىك بەرەدى.
قارلىعاش ساركەنوۆا,
استانا قالاسى اكىمدىگىنىڭ باس ينسپەكتورى,
ايەلدەر ىستەرى جانە
وتباسى-دەموگرافيا ساياساتى جونىندەگى كوميسسيا حاتشىسى
