الەۋمەتتىك جەلىنىڭ شىرماۋى

الەۋمەتتىك جەلىنى جاقسى جاعىنان ءوز پايداسىنا قولداناتىندار بار. ءدال سولاي بىلمەستىكتەن دەنساۋلىعىنا زيان تيگىزىپ جاتقاندار جەتكىلىكتى.

قازىرگى تاڭدا الەۋمەتتىك جەلى ادامزات ءومىرىنىڭ ءبىر بولشەگىنە اينالعان. ەلىمىزدە عالامتور شەڭبەرىن پايدالانۋشىلاردىڭ سانى ارتپاسا, كەمىمەيدى. ونى قولدانا الاتىن كەز كەلگەن ادام وزىنە قاجەتتى, پايدالى ماعلۇماتتاردى تاۋىپ قانا قويماي, ءوزارا ءبىر-بىرىمەن نەمەسە قوعاممەن بولىسە الادى.

پايدالى جاعىن ايتا كەتسەك, الىس ەلدەگى ادامدارمەن, تانىستارىمىزبەن, جاقىندارىمىزبەن وڭتايلى ۇيالى تەلەفون ارقىلى تىلدەسە الاتىنىمىز, ياعني تەك ءوزارا پىكىر الماسىپ قانا قويماي, ەلىمىزدەگى ءتۇرلى جاڭالىق, قوعامداعى قىزۋ تالقىلانىپ جاتقان ماسەلەلەر توڭىرەگىندە وي بولىسەمىز.

مەكتەپ وقۋشىلارى ءۇشىن كوپتەگەن ­ەلەكتروندى كىتاپ نۇسقالارى شىقتى. كىتاپتى تاسىعانشا, بالا تەلەفون قۇرىل­عىسىن پايدالانا وتىرىپ وقۋىنا بولادى. جۇمىس ورنىنا ورنالاسۋعا ءوتىنىش بەرىپ, ۇيگە كەزەككە تۇرۋ, نەسيە راسىمدەۋ, پاتەردى جالعا الۋ سىندى ونلاين قىزمەتتەر ۋاقىتتى ۇنەمدەيدى.

الەۋمەتتىك جەلى ارقىلى ءحوببيىن تاپقان ادامدار دا كوپ. عالامتور مۇمكىندىگىنىڭ كەڭدىگى سونشا, قوسىمشا ارقىلى جەكە بيزنەسىن, ءيميدجىن قالىپتاستىرعاندار بار. بارىمىزگە ءمالىم Instagram, YouTube قوسىمشالارى ارقىلى قوماقتى تابىس تاۋىپ جاتقاندار بارشىلىق.

«الەۋمەتتىك جەلىدەن ءار ادام كەرەگىن الادى. مىسالى, ءوزىم اقشا تاۋىپ وتىرمىن. بەلگىلى ءبىر كاسىپورىننىڭ جەلىدەگى پاراقشاسىن جۇرگىزەمىن. ول ساتىلىمدى وسىرەدى, سولاي كاسىپ داميدى. SMM مامانىمىن» دەدى ەلوردالىق تۇرعىن ايكوركەم باحتيارقىزى.

ەگەر ونى شامادان تىس قولدانساق, عالامتور جەلىسىنىڭ زياندى تۇسى دا جەتكىلىكتى. اۋەلگىسى دەنساۋلىققا زيان, اتاپ ايتقاندا, جۇيكە جۇيەسىنىڭ جۇقارۋى, باستىڭ ءجيى اۋرۋى, كورۋ قابىلەتىنىڭ ناشارلاۋى. كەيدە ادامدار سانا-سەزىمى السىرەپ, سويلەۋ قابىلەتىنەن ايىرىلادى. كومپيۋتەر مونيتورىنىڭ الدىندا ۇزاق ۋاقىت وتىرعاندىقتان پسيحيكا تەز بۇزىلادى. عالامتور جەلىسىندە الاياقتار جەكە تۇلعا جايلى مالىمەت الىپ, ونى ءارتۇرلى جاعدايدا بوپسالاپ, جالا جابۋى ابدەن مۇمكىن.

«عالامتوردىڭ اسەرىنەن ءتىل ساۋاتسىزدىعى كوبەيىپ بارادى. تاۋەلسىزدىك الىپ, انا ءتىلىمىزدىڭ مارتەبەسى ءوز قولىمىزعا تيگەنمەن, تىلىمىزگە ورنىعىپ العان كەيبىر ارالاس سوزدەردەن ءالى ارىلا الماي كەلەمىز» دەيدى قازاق ءتىلى مەن ادەبيەت ءپانىنىڭ مامانى ايناگۇل كەماليەۆا.

قورىتىندىلاي كەلە ايتارىم, الەۋ­مەتتىك جەلىنىڭ تەك ءتيىمدى تۇستارىن قولدانىپ, اسا تاۋەلدىلىككە ۇرىنبايىق.

انەل امانگەلديەۆا,

ل.گۋميلەۆ اتىنداعى
ەۋرازيا ۇلتتىق
ۋنيۆەرسيتەتىنىڭ ستۋدەنتى