الەۋمەتتىك جوبا قاتىسۋشىلارى ەكولوگيالىق اكتسيانى قولدادى

استانادا قالا تۇرعىندارىنا جاتتىقتىرۋشىمەن بىرگە تەگىن جانە تىكەلەي ءوز اۋلاسىندا سپورتپەن شۇعىلدانۋعا مۇمكىندىك بەرەتىن AULAFIT الەۋمەتتىك جوباسى جالعاسىپ جاتىر. بۇگىن جوبا قاتىسۋشىلارى تاڭعى جاتتىعۋدى ەكواكتسيانى قولداۋ ماقساتىندا ەرەكشە وتكىزدى, دەپ حابارلايدى astana-akshamy.kz. 

تاڭعى جاتتىعۋعا جينالعان استانالىقتار سەنبىلىككە قاجەتتى سپورتتىق جابدىقتارمەن ءتۇرلى جاتتىعۋ جاساپ, قالادا ءوتىپ جاتقان «تازا قازاقستان» ەكولوگيالىق اكتسياسىن قولدايتىندارىن ءبىلدىردى.

AULAFIT الەۋمەتتىك جوباسىنىڭ جەتەكشىسى ايتجان ءمۋسيننىڭ سوزىنشە, الداعى ۋاقىتتا وزگە اۋلالاردا دا تاڭعى جانە كەشكى جاتتىعۋ بارىسى قىزىقتى وتكىزىلمەك.

«بۇل جوبا وسىدان ءتورت جىل بۇرىن باستاۋ الىپ, ەلىمىزدىڭ تۇكپىر-تۇكپىرىندە كەڭىنەن جۇزەگە اسىرىلا باستادى. ايتۋلى جوبا ارقىلى قالا تۇرعىندارى جاتتىقتىرۋشىمەن بىرگە تەگىن ءارى ءوز ءۇيىنىڭ اۋلاسىندا سپورتپەن شۇعىلدانا الادى. ونىڭ اياسىندا جاتتىقتىرۋشىلار كۇندەلىكتى ءار اۋلاعا بارىپ, فۋتبول, باسكەتبول, ۆولەيبول سياقتى كوماندالىق ويىندار بويىنشا جانە جالپى فيزيكالىق دايىندىق بويىنشا جاتتىعۋلار جۇرگىزەدى. قاتىسامىن دەۋشىلەردىڭ جاسىنا شەكتەۋ قويىلمايدى. بۇگىننەن باستاپ بارلىق اۋلا تۇرعىندارى «تازا قازاقستان» اۋقىمدى ەكولوگيالىق اكتسياسىن قولداۋ ماقساتىندا جاتتىعۋدان كەيىن اۋلالارىن جيناستىرادى. ودان بولەك جاتتىعۋ بارىسىن دا ەرەكشە وتكىزدى. الداعى ۋاقىتتا بۇل ءۇردىس بارلىق اۋلادا جالعاسىن تابادى», – دەيدى ا.مۋسين.

بۇگىندە الەۋمەتتىك جوبا ەلورداداعى 30 اۋلادا جۇزەگە اسىپ جاتىر. وعان 3 مىڭنان استام قالا تۇرعىنى قاتىسىپ, كۇندەلىكتى سپورتقا دەگەن بەلسەندىلىگىن كورسەتىپ ءجۇر. سولاردىڭ ءبىرى – 66 جاستاعى ادىلەت ەرعاليەۆا. ەلوردا تۇرعىنى جوبا باستالعالى تاڭعى جانە كەشكى جاتتىعۋلارعا تۇراقتى تۇردە قاتىسىپ كەلەدى.

«مەن ەكى جۇمادان بەرى, ياعني وسى جوبا باستالعالى تاڭعى جاتتىعۋعا قاتىسىپ ءجۇرمىن. وتە كەرەمەت جوبا. وسىندا كەلىپ, دەنە جاتتىعۋلارىن جاسايمىز. ادەتتە ۇيدە وتىرعاندا مۇنداي جاتتىعۋلاردى ەسكەرمەيمىز, دەگەنمەن دەنساۋلىق ءۇشىن سپورتپەن اينالىسۋ ماڭىزدى. سوندىقتان دا بۇل جوبا ءبىز سياقتى اپالارعا وتە پايدالى. ءبارىمىز تاڭەرتەڭ جانە كەشكە ءبىر ساعات بويى سپورتپەن شۇعىلدانامىز.

جاتتىقتىرۋشىمىز – جانتورە مادەنيەتتى جانە سىپايى جىگىت. ول بىزگە جاتتىعۋدى قالاي دۇرىس ورىنداۋ كەرەك ەكەنىن ءتۇسىندىرىپ, ۇيرەتىپ جاتىر. ءبىز اپالار بولىپ جوبا ۇيىمداستىرۋشىلارىنا جانە جاتتىقتىرۋشىمىزعا العىس ايتامىز», – دەيدى ادىلەت ەرعاليەۆا.

ايتا كەتەيىك, تاڭعى جاتتىعۋعا قاتىسۋشىلار ودان كەيىن اۋلا اۋماعىندا تازالىق جۇمىسىن جاسادى.

جالپى ەلوردالىقتار جاتتىقتىرۋشىمەن تەگىن جانە تىكەلەي اپتانىڭ ءار دۇيسەنبى, سارسەنبى جانە جۇما كۇندەرى قالانىڭ 15 جەرىندە, ال سەيسەنبى بەيسەنبى, سەنبى كۇندەرى وزگە 15 اۋلادا سپورتپەن شۇعىلدانا الادى.

ياعني, تاڭعى ساعات 9-دان باستاپ اعا بۋىن ءۇشىن, ۇلدار مەن قىزدار ءۇشىن ساعات 10:00-دە جاتتىعۋلار وتەدى. ال كەشكە 17:00-دەن باستاپ 6-10 جاستاعى بالالارعا ارنالعان ساباقتار, 18:00-دە 11-15 جاستاعى بالالارعا ارنالعان ساباقتار جانە 19:00-دە جاستارعا ارنالعان جاتتىعۋلار وتەدى.

دۇيسەنبى, سارسەنبى جانە جۇما كۇندەرى جاتتىعۋلار كەلەسى مەكەن-جايلار بويىنشا وتەدى:

1. ن. تىلەنديەۆ داڭع., 38;
2. انەت بابا, 11 – «مانحەتەن» تك;
3. ش. ايتماتوۆ داڭع., 60 – «مادريد» تك;
4. سارىارقا كوش., 11;
5. كەنەسارى داڭع., 64 – «دارىن» تك;
6. سىعاناق كوش., 14 – «شىعىس تك»;
7. س.كۋبرين كوش., 23/1 – «ەۆروپەيسكي» تك;
8. ۇلى دالا, 31/1 – «الپامىس» تك;
9. مومىشۇلى داڭع., 12 – «استانا مەرۋەرت» تك;
10. تۇركىستان كوش., 10 – «كوركەم 2» تك;
11. قوشقارباەۆ داڭع., 45;
12. كۇيشى دينا كوش., 31 – «ميراس» تك;
13. ساۋران كوش., 3/1 – «سارمات 1» تك;
14. ماڭگىلىك ەل داڭع., 19 – «ايسانام» تك;
15. قابانباي باتىر داڭع, 59ب – «بۋداپەشت» تك.

سەيسەنبى, بەيسەنبى, سەنبى كۇندەرى سپورتتىق جاتتىعۋلار كەلەسى مەكەن-جايلار بويىنشا وتەدى:

1. س 303 كوش., 2 ءۇي;
2. ش. ايتماتوۆ داڭع., 36 – «جاعالاۋ» تك;
3. قورعالجىن تاس جولى, 25 – «ەلوردا 2020» تك;
4. ش. قوسشىعۇلۇلى كوش., 20;
5. پۋشكين كوش., 15 – «كيتايسكايا ستەنا» تك;
6. ج. مولداعاليەۆ كوش., 6;
7. س. سەيفۋللين داڭع., 9 – «دجۋنگارسكيە ۆوروتا» تك;
8. سارايشىق كوش., 34 – «ديپلومات» تك;
9. قۇدايبەردىۇلى داڭع., 5;
10. ساۋران كوش.,5 – «گرادكومپلەكس 2 تك;
11. قوشقارباەۆ داڭع., 34 – «تۇركىستان» تك;
12. ب.مايلين كوش., 31 – «اپاتو» تك;
13. ءال فارابي داڭع., 34/3 – «Nova City» تك;
14. ⁠بەيبارىس سۇلتان كوش., 11 – «Qazanat River» تك;
15. ⁠ايناكول كوش., 60 – «بارىس» تك.