بيىل ءبىرىنشى رەت ەلىمىزدىڭ تۇكپىر-تۇكپىرىندە حالىقارالىق بالالاردى قورعاۋ كۇنىنە ارنالعان «انشۋاق» بالالار اندەرىنىڭ فەستيفالى وتۋدە. فەستيۆال انشۋاق حەشتەگىمەن 1 اقپان كۇنى الەۋمەتتىك جەلىلەردە باستالدى. بۇل ۋاقىت ارالىعىندا 15 مىڭنان استام ۆيدەو جاريالانىپ, 13 ميلليوننان استام قارالىم جينالدى, دەپ حابارلايدى astana-akshamy.kz.
1 ماۋسىم كۇنى ونلاين فورماتتا «انشۋاق» قازاق تىلىندەگى بالالار اندەرى فەستيۆالىنىڭ گالا-كونتسەرتى ءوتىپ, جەڭىمپازداردىڭ ەسىمدەرى بەلگىلى بولادى.
«فەستيۆالدىڭ ەرەكشەلىگى – ەلىمىزدىڭ رۋحاني, مادەني بايلىعىن دارىپتەۋىندە. ول وسكەلەڭ ۇرپاقتى «ءبىرتۇتاس تاربيە باعدارلاماسى» تۇجىرىمداماسىندا كورىنىس تاپقان ءداستۇرلى تاريحي, رۋحاني, مادەني قۇندىلىقتار نەگىزىندە تاربيەلەۋگە باعىتتالعان. فەستيۆال ءار بالانىڭ بويىندا ءوز ەلى ءۇشىن ماقتانىش سەزىمىن تۋدىرادى. بالالار تاراپىنان وعان دەگەن ۇلكەن قىزىعۋشىلىقتىڭ بار ەكەنىن كورىپ وتىرمىز. بۇگىنگە دەيىن 15 مىڭنان استام ۆيدەو جاريالاندى, ەڭ تانىمال بالالار اندەرى شىرقالدى», – دەپ اتاپ ءوتتى تاربيە جۇمىسى جانە قوسىمشا ءبىلىم بەرۋ دەپارتامەنتىنىڭ ديرەكتورى مەرۋەرت مەدەتبەكوۆا.
اتاپ ءوتۋ كەرەك, قازاق تىلىندەگى ەڭ تانىمال بالالار اندەرىنىڭ قاتارىندا «وتان», «ۇستازىم», «اياۋلى انا», «وقىپ, ءبىلىپ ۇيرەنەمىز» «مەن قازاقتىڭ قىزىمىن», «انا دەپ ءان سالامىن», «ءبىز وتاننىڭ ۇلانىمىز», «تاۋەلسىز ەل ۇرانى», «اتا- اجە», «بىرلىگىمىز جاراسقان», «كەرەك بىزگە تىنىشتىق», «ءۇش باقىتىم», «بىرلىكتىڭ تۋى», «ءتاتتى», «قازاقستانىم», «تۋعان ەل» «دومبىرا», «الاقاي», «ەگەمەن ەل – قازاقستان», «ەرتەگىلەر» جانە باسقا دا اندەر بار.
