ورتالىق كوممۋنيكاتسيالار قىزمەتىندە وتكەن دوڭگەلەك ۇستەل بارىسىندا وقۋ-اعارتۋ مينيسترلىگىنىڭ وكىلدەرى ەلىمىز ءۇشىن بالالاردىڭ پسيحولوگيالىق قاۋىپسىزدىگىن قامتاماسىز ەتۋدىڭ قانشالىقتى ماڭىزدى ەكەنىن اتاپ كورسەتتى, دەپ حابارلايدى astana-akshamy.kz.
جيىن بارىسىندا ءار ايماقتا بالالاردى پسيحولوگيالىق قولداۋ ورتالىقتارى مەن بولىمشەلەرى اشىلاتىنى ايتىلدى. قازىرگى ۋاقىتتا وڭىرلىك پسيحولوگيالىق قولداۋ ورتالىقتارىن دامىتۋ جانە ترانسفورماتسيالاۋ بويىنشا جۇمىستار قارقىندى جۇرگىزىلۋدە. بۇگىندە استانا جانە الماتى قالالارىندا, اقتوبە, قاراعاندى, قوستاناي, پاۆلودار, اقمولا, سولتۇستىك قازاقستان, باتىس قازاقستان وبلىستارىندا 9 پسيحولوگيالىق قولداۋ ورتالىقتارى مەن بولىمشەلەرى جۇمىس ىستەيدى. بۇل باستاما بارلىق ەل اۋماعىندا جالعاسىن تاباتىن بولادى. اتالعان ءىس-شارالار كەشەنى وڭىرلەردە پسيحولوگيالىق قولداۋ قىزمەتتەرىن ينستيتۋتسيونالدى كۇشەيتۋگە باعىتتالعان. ول ءوز كەزەگىندە قازاقستاندا بالالاردىڭ پسيحولوگيالىق قاۋىپسىزدىگىنىڭ دەڭگەيىن ارتتىرۋعا مۇمكىندىك بەرەدى.
