اسكەري قىزمەتشىلەر اراسىندا قازاق كۇرەسىنەن الەم چەمپيوناتى وتەدى

قورعانىس ۆەدومستۆوسىنا حالىقارالىق اسكەري سپورت كەڭەسى (CISM) كۇرەس جونىندەگى سپورت كوميتەتىنىڭ پرەزيدەنتى مايور ناسەر حاسساني كەلدى.

حالىقارالىق ۇيىمنىڭ وكىلىمەن قورعانىس مينيسترلىگى اپپاراتىنىڭ باسشىسى پولكوۆنيك ەربول قۇماربەكۇلى جانە سپورت كوميتەتىنىڭ توراعاسى پولكوۆنيك ارمان ابەۋوۆ كەزدەستى.

79-شى باس اسسامبلەيا مەن ءسىЅم كونگرەسىنىڭ وتىرىسىندا قازاقستان قورعانىس ءمينيسترىنىڭ دۇنيەجۇزىلىك يۋنەسكو ۇيىمىنىڭ مادەني مۇرا تىزىمىنە ەنگىزىلگەن قازاق كۇرەسىنەن جارىستار ۇيىمداستىرۋ تۋرالى باستاماسى ايتىلىپ, 2025 جىلى ەلىمىزدە سپورتتىڭ وسى تۇرىنەن اسكەري قىزمەتشىلەر اراسىندا العاشقى الەم چەمپيوناتىن وتكىزۋ ۇسىنىلعان بولاتىن.

وسىعان وراي حالىقارالىق اسكەري سپورت كەڭەسى كۇرەس جونىندەگى سپورت كوميتەتىنىڭ پرەزيدەنتى مايور ناسەر حاسساني حالىقارالىق ۇيىم اياسىندا اسكەري قىزمەتشىلەر اراسىندا العاشقى الەم چەمپيوناتىن وتكىزۋ مۇمكىندىكتەرىن زەردەلەۋ ماقساتىمەن قازاقستانعا كەلدى.

كەزدەسۋ بارىسىندا تاراپتار الەم چەمپيوناتىن ۇيىمداستىرۋ ماسەلەلەرىن تالقىلاپ, ارىپتەستىكتى نىعايتۋعا جانە اسكەري سپورت داستۇرلەرىن ارتتىرۋعا ءوزارا جاردەمدەسۋگە نيەت ءبىلدىردى.

ەستەرىڭىزگە سالا كەتەيىك, CISM – الەمنىڭ 140 ەلىنىڭ اسكەري قىزمەتشىلەرىن بىرىكتىرەتىن ەڭ ءىرى پانارالىق سپورتتىق ۇيىمداردىڭ ءبىرى. «سپورت ارقىلى دوستىق» ۇرانىن ۇستاناتىن ۇيىم بەيبىتشىلىكتى نىعايتۋ قۇرالى رەتىندە سپورتتىڭ دامۋىنا ىقپال ەتىپ كەلەدى.