استانا اۋەجايىندا كونديتسيونەر دۇرىس ىستەمەي, ىستىق بۋىپ تۇر, دەپ حابارلايدى astana-akshamy.kz
استانا حالىقارالىق اۋەجايىنىڭ ءباسپاسوز قىزمەتى جاعدايدى ءتۇسىندىردى.
ەلوردا اۋەجايى قازىرگى ۋاقىتتا تەرمينالدارداعى ءتيىستى ميكروكليماتتى قامتاماسىز ەتۋ, سونداي-اق بۇكىل قاجەتتى سانيتارلىق-ەپيدەميولوگيالىق تالاپتاردى ساقتاۋ ماقساتىندا اۋەجايدا كليماتتىق باقىلاۋ جابدىقتارى جۇيەسىن قالپىنا كەلتىرۋ جۇمىستارى جۇرگىزىلىپ جاتقانىن حابارلادى.
ايتۋلارىنشا, عيماراتتاردى سالقىنداتۋ جابدىعىنىڭ جوعارى جۇكتەمەسىنە بايلانىستى سالقىنداتقىشتى باسقارۋ جۇيەسى تومەنگى قۋاتىندا جۇمىس ىستەپ تۇر.
سول سەبەپتى قازىرگى ۋاقىتتا اۋەجايداعى اۋا تەمپەراتۋراسىن رەتتەۋ ءۇشىن جوندەۋ جانە قالپىنا كەلتىرۋ جۇمىستارى قارقىندى ءجۇرىپ جاتىر.
«ءبىز جولاۋشىلاردان جاعدايعا تۇسىنىستىك پەن توزىمدىلىك تانىتۋىن سۇرايمىز. اۋەجاي جولاۋشىلاردىڭ جايلىلىعى مەن قاۋىپسىزدىگىن تولىق قامتاماسىز ەتۋ ءۇشىن قولدان كەلگەننىڭ ءبارىن جاسايدى» دەيدى اۋەجايدىڭ ءباسپاسوز قىزمەتىنەن.
ءدال قازىر استانادا تەرمومەتر باعانى 20 گرادۋس جىلىنى كورسەتىپ تۇر.
