ەگەر وتباسىندا ءبىر ماماندىقتى قادىر تۇتىپ, ول ۇرپاقتان ۇرپاققا جالعاسىن تاۋىپ جاتسا ەڭبەك اۋلەتىنە, اۋلەتتىك قىزمەت جولىنا اينالادى.
ەلوردالىق پوليتسياداعى ەڭبەك اۋلەتىنىڭ وكىلدەرىنىڭ ءبىرى – استانا قالاسى پاترۋلدىك پوليتسيا پولكىنىڭ تۋريستىك ۆزۆودىندا قىزمەت ەتەتىن پوليتسيا مايورى ماقپال تولەۋعازينا.
ماقپالدىڭ اكەسى پوليتسيا قىزمەتكەرى, پوليتسيا پولكوۆنيگى قوجاحمەتوۆ تولەۋعازى ومارجانۇلىنىڭ ىشكى ىستەر ورگاندارىندا 26 جىل ەڭبەك ەتىپ, 2008 جىلى زەينەتكەرلىككە شىققان, بىرنەشە رەت ىشكى ىستەر مينيسترلىگى باسشىلىعىنىڭ قۇرمەت گراموتالارىمەن جانە مەدالدارىمەن ماراپاتتالعان.
بالالىق شاعىن ەسىنە العاندى, ماقپال اكەسىنىڭ ۇيگە شارشاپ قايتاتىنى ەسىنە تۇسەدى. بىراق جۇمىسىنا كوڭىلى تولاتىن. «ول ارقاشان قىزمەتكە بەرىلگەن جانە ۇجىمنىڭ قوعامدىق ومىرىنە بەلسەنە ارالاساتىن. انام اكەمنىڭ قامقور جارى, سەنىمدى تىرەگى بولدى» دەپ ەسكە الادى ماقپال. ءوزىن جارى مەن بالالارىنا ارناعان اناسى نۇرگۇل احتايقىزى ءۇي شارۋاسىنا مىقتى بولدى. ۇتىكتەلگەن پوليتسيا فورماسى ماقپال ءۇشىن بالالىق شاقتاعى جارقىن ەستەلىكتەردىڭ ءبىرى بولدى. بۇل ونىڭ اكەسىنىڭ جاقسى ۇلگىسىن قابىلداپ, مەكتەپ بىتىرگەندە دۇرىس شەشىم قابىلداۋعا جانە زاڭ كوللەدجىنە تۇسۋگە باستادى.
ماقپال ورتا مەكتەپتى بىتىرگەننەن كەيىن 2003 جىلى پاۆلودار زاڭ كوللەدجىنە وقۋعا ءتۇستى. قۇقىق قورعاۋ جۇيەسىندەگى قىزمەتىن قازاقستان رەسپۋبليكاسى ادىلەت مينيسترلىگى سەمەي قالاسى بويىنشا قىلمىستىق ىزدەستىرۋ باسقارماسىنىڭ وۆ-156/15 كولونيا مەكەمەسىنىڭ شارۋاشىلىق ءبولىمىنىڭ ينجەنەرى بولىپ باستادى. سونىمەن بىرگە ماقپال پاۆلودارداعى گۋمانيتارلىق زاڭ ۋنيۆەرسيتەتىن ءبىتىرىپ, ودان كەيىن ءتۇرلى لاۋازىمداردا قىزمەت اتقاردى. ال مايور شەنىندە تولەۋعازينا پوليتسيا قىزمەتىن 2013 جىلى پاۆلودار قالاسىنىڭ جەدەل باسقارۋ ورتالىعىندا باستادى. استانا قالاسىندا كوشى-قون پوليتسياسىندا جۇمىس ىستەگەننەن كەيىن 2022 جىلدىڭ شىلدەسىندە پپ پولكىنىڭ تۋريستىك پوليتسيا ۆزۆود قىزمەتىنىڭ ينسپەكتورى لاۋازىمىنا تاعايىندالدى.
قىزمەتكەردىڭ مىندەتتەرىنە قۇقىق ءتارتىبىن ساقتاۋ جانە قوعامدىق قاۋىپسىزدىكتى ساقتاۋ كىرەدى. تۋريستەر كوپ باراتىن ورىنداردا ازاماتتارعا كەڭەس پەن كومەك الا الاتىن ستاتسيونارلىق پۋنكتتەر بار. ماقپال اعىلشىن جانە اراب تىلدەرىن جەتىك مەڭگەرگەن. پوليتسيا قىزمەتكەرى ءوزىنىڭ رەسمي قىزمەتىندە كوپ بىلگەننىڭ كومەگى زور.
بىردە مىناداي وقيعا بولدى. وتكەن جازدا دۋبايدان ۇشىپ كەلگەن ءۇندىستان ازاماتى ەلوردانىڭ كورىكتى جەرلەردى كورۋدى جوسپارلاپ, قىزمەتكەرلەرگە ءوتىنىش ايتادى. پوليتسەيلەر وعان استانانى ارالاتىپ, ۇلتتىق تاعامدارمەن ءدام تاتۋعا دا كەڭەس بەردى. قىزمەتتىڭ ساپاسىنا ريزا بولعان ساياحاتشى ينستاگرامدا پوليتسيا قىزمەتى تۋرالى ريزاشىلىقپەن پىكىر قالدىرادى. بۇل دا – پوليتسيا قىزمەتىنىڭ ءبىر ءساتى.
ماقپالدىڭ قىزمەتى قاۋىرت بولسا دا, كافەدرادا وتەتىن بايقاۋلارعا بەلسەندى قاتىسىپ, اراب ءتىلىن تەرەڭدەتىپ وقىپ, ءبىلىمىن شىڭداپ كەلەدى.
