ازەربايجاننىڭ ميللي ءماجىلىسى 2024 جىلدىڭ 28 ماۋسىمىندا وتباسى كودەكسىنە جاقىن تۋىستار اراسىندا قيىلاتىن نەكەگە تىيىم سالاتىن وزگەرىستەردى ەنگىزدى, دەپ حابارلايدى astana-akshamy.kz
تاسس اگەنتتىگىنىڭ مالىمەتىنشە, كودەكس باپتارىنا تومەندەگىدەي ەكى تارماق قوسىلعان:
– بيولوگيالىق اتاسى نەمەسە اجەسى ورتاق, ءبىر كىندىكتەن تاراعان باۋىرلاردىڭ بالالارى اراسىنداعى وداقتارعا تىيىم سالۋ;
– بيولوگيالىق تۋىستىعى بار نەمەرە اعالار مەن نەمەرە اپكەلەر اراسىنداعى نەكەگە تىيىم سالۋ.
سونداي-اق, وتباسىلىق كودەكستەن دالەلدى سەبەپتەر بولعان جاعدايدا نەكەگە تۇرعىسى كەلەتىن كامەلەتكە تولماعاندار ءۇشىن نەكە جاسىن ءبىر جىلعا تومەندەتۋ تۋرالى تارماق الىنىپ تاستالدى.
«كوپ جاعدايدا قولدانىستاعى بۇل زاڭنامالىق نورما كامەلەتكە تولماعانداردىڭ قۇقىقتارى مەن بوستاندىقتارىنىڭ شەكتەلۋىنە اكەلىپ سوعىپ جاتادى, ويتكەنى دالەلدى سەبەپتەر قانداي كريتەريلەر بويىنشا انىقتالاتىنى انىق كورسەتىلمەگەن», – دەپ ءتۇسىندىردى ازەربايجان پارلامەنتى.
ايتا كەتەيىك, ازەربايجانداعى نەكەلەسۋگە 18 جاسقا تولعاندا عانا رۇقسات بەرىلەدى.
سۋرەت: azerbaijan.az
