اگروونەركاسىپتىڭ 12 باسىم باعىتى بويىنشا 2,5 پايىزدىق جەڭىلدىكپەن بيۋدجەتتىك نەسيە الۋعا بولادى

قر اۋىل شارۋاشىلىعى مينيسترلىگى: اگروونەركاسىپتىك كەشەننىڭ 12 باسىم باعىتى بويىنشا 2,5 پايىزدىق جەڭىلدىكپەن بيۋدجەتتىك نەسيە الۋعا بولادى, دەپ حابارلايدى astana-akshamy.kz.

قازاقستاننىڭ اگروونەركاسىپتىك كەشەنىن دامىتۋدى ىنتالاندىرۋ, جاڭا وندىرىستىك قۋاتتاردى قۇرۋ نەمەسە جۇمىس ىستەپ تۇرعاندارىن كەڭەيتۋ, سالانىڭ ونىمدىلىگى مەن باسەكەگە قابىلەتتىلىگىن ارتتىرۋ ماقساتىندا قر اۋىل شارۋاشىلىعى مينيسترلىگى اگروونەركاسىپتىك كەشەنى سالاسىنداعى جوبالاردى نەسيەلەندىرۋ ەرەجەسىنە وزگەرىستەر ەنگىزۋ تۋرالى بۇيرىق قابىلدادى.

وزگەرىستەر 12 باعىت بويىنشا جوبالاردى جەڭىلدىكپەن قارجىلاندىرۋدى قامتيدى.

ولاردىڭ قاتارىندا ءسۇت-تاۋار فەرمالارىن, ەت باعىتىنداعى قۇس فابريكالارىن, ەت شارۋاشىلىعى كاسىپورىندارىن, كوكونىس قويمالارىن قۇرۋ جوبالارى بار.

سونداي-اق قازىرگى زامانعى سۋ ۇنەمدەۋ تەحنولوگيالارىن پايدالانا وتىرىپ, سۋارمالى ەگىنشىلىكتى دامىتۋ, ونەركاسىپتىك جىلىجاي كەشەندەرى, جەمىس قويمالارى, بالىق شارۋاشىلىعى, بالىق وڭدەۋ زاۋىتتارى, قۇس شارۋاشىلىعىنداعى اسىل تۇقىمدى رەپرودۋكتورلارى, اۋىل شارۋاشىلىعى ونىمدەرىن ودان ءارى تەرەڭ وڭدەۋ جانە ساقتاۋ كاسىپورىندارى, ونىڭ ىشىندە ءجۇن جانە تەرى, قاپتاما ماتەريالدارىن ءوندىرۋ سالالارى دا مەملەكەتتىك قولداۋعا يە بولادى.

كاسىپكەرلەر 10 جىلعا دەيىن 2,5 پايىزدىق جەڭىلدىكپەن نەسيە قاراجاتىن پايدالانا وتىرىپ, ءوز جوبالارىن جۇزەگە اسىرا الادى. نەسيەنىڭ ەڭ جوعارى سوماسى 5 ملرد تەڭگەگە دەيىن.

ەرەجەگە ەنگىزىلگەن وزگەرىستەرگە سىلتەمە: http://10.61.42.188/kaz/docs/V2400034466