ايدا بالاەۆا: اقپاراتتىق شابۋىلدارعا جانە دەسترۋكتيۆتى يدەولوگيانىڭ تارالۋىنا قارسى كەشەندى شارالار قابىلدانادى.

بۇگىن قر مادەنيەت جانە اقپارات مينيسترلىگىنىڭ كەڭەيتىلگەن القا وتىرىسىندا مادەنيەت جانە اقپارات ءمينيسترى ايدا بالاەۆا ۆەدومستۆونىڭ 2024 جىلعا ارنالعان جۇمىس جوسپارىن جاريالادى, دەپ حابارلايدى astana-akshamy.kz. 

ءىس-شاراعا پارلامەنت دەپۋتاتتارى, زيالى قاۋىم وكىلدەرى, قحا, ۇەۇ, جاستار ۇيىمدارى, باق وكىلدەرى قاتىستى.

«مينيسترلىكتى قۇرۋ بارىسىندا, مەملەكەت باسشىسى ۇكىمەت الدىنا اۋقىمدى مىندەتتەر قويدى. اتاپ ايتقاندا, باسەكەگە قابلەتتى, جاھاندىق كونتەكستە بىرەگەي مادەنيەتىن ساقتاعان ۇلتتىق بولمىسىمىزدى قالىپتاستىرۋ ارقىلى مەملەكەت پەن قوعامنىڭ ۇيلەسىمدى دامۋىن, ىشكى يدەولوگيالىق جانە سىرتقى يميدجدىك الەۋەتىن, ازاماتتارىمىزدىڭ ەل ەرتەڭىنە سەنىمدىلىگىن قامتاماسىز ەتۋ. ارينە, وسىنداي ستراتەگيالىق ءىرى مىندەتتىڭ ۇدەسىنەن شىعۋ ءۇشىن ءبىز مينيسترلىك قۇزىرەتىندەگى بارلىق سالالار مەن باعىتتتارداعى جوسپارلارىمىزدى ساراپتاپ, جاڭا دەڭگەيگە كوتەردىك», – دەدى ايدا بالاەۆا.

سونىمەن قاتار مينيستر بيىل كوپتەگەن جاڭا جوبالار مەن باستامالار  جوسپارلانىپ وتىرعانىن دا اتاپ ءوتتى. مادەنيەتتىڭ بارلىق سالاسى بويىنشا كەشەندى جۇمىستار اتقارىلىپ جاتىر.

بۇل جىلدىڭ باستى جاڭالىقتارىنىڭ ءبىرى,  ەلىمىزدەگى تاتۋلىق پەن ىنتىماقتى تۋ ەتكەن «بىرلىك» ءانسامبلى قۇرىلدى. «اقجاۋىن» انسامبلىنە رەسپۋبليكالىق ستاتۋس بەرۋ  ماسەلەسى تۋرالى شەشىم قابىلدانۋدا.

كىتاپ ءىسى بويىنشا جۇرگىزىلگەن جۇمىستاردىڭ ناتيجەسىندە, ەندى كىتاپتاردى باسىپ شىعارۋ, ادەبيەتتى قولداۋ قالىڭ كوپشىلىكپەن تالقىلانىپ, جاڭا ەرەجەگە سايكەس جۇزەگە اساتىن بولادى.

جاڭا تۋىندىلار مەن جاس تالانتتاردى تانىتۋ, ۇلت ادەبيەتىنىڭ جاۋھارىنا اينالعان تۋىندىلاردى قايتا باسىپ شىعارۋ, ولاردى ادەبيەتتىڭ وزەكتى ماسەلەلەرىن ورتاعا سالىپ, جاڭا تەندەنتسيالاردى تالقىلاۋ الەمدىك تىلدەرگە اۋدارۋ سياقتى ماسەلەلەردى مەملەكەتتىك قولداۋ ماقساتىندا مينيسترلىك جانىنان ادەبي كلۋب اشىلادى.

وسى جىلدان باستاپ مەملەكەتتىك قولداۋعا ۇمىتكەر كينوجوبالاردى كونكۋرستىق ىرىكتەۋ ەرەجەلەرى دە وزگەردى. ۇلتتىق كينونى قولداۋ ورتالىعى ستسەناريلەردى قابىلداپ, ولاردىڭ ەڭ جاقسىسىن ساراپشىلار كەڭەسى تاڭدايدى.

«ءبىز العاش رەت 7 تىلدە تارالاتىن «مادەنيەت» ونلاين-پورتالىن ىسكە قوساتىن بولامىز. جاڭا پورتال ارقىلى مادەني قۇندىلىقتارىمىزدى قازاقستاندىق قانا ەمەس, شەت ەل اۋديتورياسىنا ناسيحات ەتۋدى ماقسات ەتىپ وتىرمىز. بۇنداي جوبالار الەمدىك تاجىريبەدە ءوز تيىمدىلىگىن باياعىدا-اق كورسەتكەن. ۇلتتىق مۋزەي جانىنان ۇلتىمىزدىڭ سان عاسىرلىق تاريحىنان سىر شەرتەتىن قۇندىلىقتارىمىزدىڭ ومىرشەڭدىگىن ساقتاپ قالۋعا جاعداي جاسايتىن اۋقىمدى رەستاۆراتسيا ورتالىعى قۇرىلادى. سونىمەن قاتار الىس-جاقىن شەتەلدەردەگى ءبىزدىڭ تاريحي قۇندى مۇرالارىمىزدى قايتارۋ حالىقارالىق زاڭناماعا سايكەس جۇرگىزىلەتىن بولادى» – دەيدى مينيستر.

بارلىق ۆەدومستۆو مەن جۇيەلەردىڭ كىتاپحانالارىنا قازاقستاندىق ۇلتتىق ەلەكتروندىق كىتاپحانا كەزەڭ-كەزەڭىمەن ەنگىزىلەدى. بيىلعى ءبىرىنشى توقسانىندا پيلوتتىق جوباعا قوسىلاتىن 2 وبلىستىق كىتاپحانا انىقتالادى.

«ەل يدەولوگياسىنىڭ باستى تۇتقالارىنىڭ ءبىرى بۇل, ارينە, اقپاراتتىق ساياسات. وتاندىق اقپاراتتىق كونتەنتتىڭ باسەكەگە قابىلەتتىلىگى مەن ساپاسىن ارتتىرۋ, ونىڭ قۇندىلىعىن تولىقتىرۋ, اقپاراتتىق قاۋىپسىزدىكتى قامتاماسىز ەتۋگە باعىتتالعان كەشەندى شارالار قولدانىلۋدا.

پرەزيدەنت مەملەكەت مۇددەسىن, قوعامنىڭ سۇرانىسىن جانە مەدياسفەرانىڭ دامۋ ءۇردىسىن ەسكەرە وتىرىپ, مەديا زاڭنامانى قايتا قاراۋ تۋرالى تاپسىرما بەرگەن بولاتىن. سوعان بايلانىستى «ماسس-مەديا تۋرالى» زاڭ جوباسى ازىرلەنىپ, ءماجىلىستىڭ ءبىرىنشى وقىلىمىندا ماقۇلداندى.

اقپاراتتىق شابۋىلدارعا جانە دەسترۋكتيۆتى يدەولوگيانىڭ تارالۋىنا قارسى كەشەندى شارالار قابىلدانادى. ماسەلەن, «سۇر تارەلكالاردى» تاراتقانى ءۇشىن اكىمشىلىك جاۋاپكەرشىلىك ەنگىزۋ, مەديا سالاداعى بيزنەس-پروتسەستەردى تسيفرلاندىرۋ شەڭبەرىندە بىرىڭعاي مەديا پلاتفورما قۇرۋ جوسپارلانۋدا», – دەدى ايدا بالاەۆا.

زاڭ قابىلدانعاننان, مەملەكەتتىك اقپاراتتىق تاپسىرىستاردى ءبولۋ مەحانيزمىنەن گرانتتىق قارجىلاندىرۋعا كوشەدى, شەكارا ماڭىنداعى وڭىرلەردى راتيفيكاتسيالاۋ بويىنشا جۇمىس جۇرگىزىلەدى, سالالىق جۋرناليستيكا داميدى, سونداي-اق جۋرناليستەردىڭ بىلىكتىلىگىن ارتتىرۋ جونىندەگى جۇمىس جالعاستىرىلادى.

بالالار كونتەنتىن دامىتۋعا, مۇمكىندىگى شەكتەۋلى جانداردىڭ اقپاراتقا قول جەتكىزۋىن قامتاماسىز ەتۋگە ەرەكشە نازار اۋدارىلاتىن بولادى.

حالىق اراسىندا ەڭ كوپ سۇرانىسقا يە قارقىندى دامىپ كەلە جاتقان الاڭداردىڭ ءبىرى – قوعامدىق كەڭەستەر. وسىعان بايلانىستى مينيسترلىك جانىنان قوعامدىق كەڭەستەردىڭ ۇيلەستىرۋ ورتالىعى قۇرىلدى.

ازاماتتىق قوعام سالاسىندا ازاماتتىق قوعامدى دامىتۋ ت ۇجىرىمداماسى ازىرلەنەدى,  ال 2024 جىلعى ساۋىردەن باستاپ قوعامدىق باقىلاۋ جانە ونلاين-پەتيتسيالار تەتىگى ەنگىزىلەدى.

مەملەكەت باسشىسىنىڭ تاپسىرماسى بويىنشا كرەاتيۆتى يندۋستريالاردى دامىتۋ بويىنشا جۇيەلى شارالار قابىلدانۋدا, ونىڭ شەڭبەرىندە «كرەاتيۆتى يندۋستريالاردى قولداۋ ورتالىعى» كورپوراتيۆتىك قورىن قۇرۋ پىسىقتالۋدا, سونداي-اق وڭىرلەردە كرەاتيۆتى حابتار اشۋ جوسپارلانۋدا.

ءدىن سالاسىنداعى مەملەكەتتىك ساياساتتى دامىتۋدىڭ 2024-2028 جىلدارعا ارنالعان تۇجىرىمداماسىنىڭ جوباسى دايىندالدى.

ەتنوسارالىق كەلىسىم سالاسىندا مەملەكەت باسشىسىنىڭ تاپسىرماسى بويىنشا العاش رەت 2023 جىلى «ەل بىرلىگى» وردەنى, مادەنيەتارالىق جانە ەتنوسارالىق بىرلىكتى نىعايتۋعا قوسقان ۇلەسى ءۇشىن «مادەنيەت پەن ونەر سالالارىنداعى ۇزدىك جۇمىستارى مەن تۋىندىلارى ءۇشىن» جانە «ادەبيەت پەن جۋرناليستيكا سالالارىنداعى ۇزدىك جۇمىستارى ءۇشىن» سىيلىقتارى تاعايىندالدى.

«قازاقستانداعى ۇلت قالىپتاستىرۋ: قازىرگى جاي-كۇيى, پروتسەستەر مەن ۇردىستەر» تاقىرىبىندا بايانداما ازىرلەندى.

«ءبىزدىڭ مينيسترلىك ادىلەتتى قازاقستاننىڭ قۇرىلۋىنا ەلەۋلى ۇلەس قوسىپ, پرەزيدەنتتىڭ اۋقىمدى باعدارلامالارى مەن باستامالارىن ىسكە اسىرۋ بويىنشا جۇمىسىن جالعاستىراتىن بولادى», – دەپ تۇيىندەدى مينيستر.