الماتى قالاسىنىڭ اۋەزوۆ اۋداندىق سوتىندا ەسىرتكى تاسىمالداپ, جەڭگەتايلىق جاساعان م. مەن ت.-عا قاتىستى قىلمىستىق ءىستى قارالدى, – دەپ حابارلايدى astana-akshamy.kz
تەرگەۋ ورگانى م.-نى اسا ءىرى مولشەردە پسيحوتروپتىق زاتتى زاڭسىز يەمدەندى, ساقتادى جانە تاسىمالدادى, سونداي-اق 52 ەپيزود بويىنشا ءبىر توپ ادامدارمەن جەڭگەتايلىق جاسادى دەپ (قك-ءنىڭ 296-بابىنىڭ 4-بولىگى, 309-بابىنىڭ 2-بولىگى, 1-تارماعى), ت. -نى ءبىر توپ ادامدارمەن 12 ەپيزود بويىنشا جەڭگەتايلىققا كومەكتەستى دەپ ايىپتادى (قك-ءنىڭ 28-بابىنىڭ 5-بولىگى, 309-باپتىڭ 2-بولىگى, 1-ت.).
سوت وتىرىسى جابىق رەجيمدە ءوتتى (قىلمىستىق ءىس جۇرگىزۋ كودەكسىنىڭ 29-بابى).
2023 جىلدىڭ مامىر ايىندا م., اسا ءىرى مولشەردە مەفەدروندى (پسيحوتروپتىق زاتتى)ساتۋ ماقساتىنسىز زاڭسىز ساتىپ الىپ, وزىمەن بىرگە زاڭسىز تاسىمالداعان. ۇستاۋ كەزىندە پوليتسيا قىزمەتكەرلەرى سوتتالۋشىنىڭ سومكەسىنەن پسيحوتروپتىق زات تاركىلەگەن.
سونداي-اق م. 2020-2023 جج. ماتەريالدىق پايدا الۋ ماقساتىندا پايداكۇنەمدىك ماقساتتا ءبىر توپ ادامدار ت.-مەن بىرلەسىپ, قىزدارعا اقشالاي وتەماقى ءۇشىن ينتيمدىك قىزمەت كورسەتۋ ءۇشىن جەڭگەتايلىق جاساعان. م.-نىڭ وسى قىزمەتتەردەن جەكە ءوزى نەمەسە سىبايلاسى ت. ارقىلى پايىز العان.
سوتتالۋشىلاردىڭ كىناسى كۋالاردىڭ ايعاقتارىمەن, ساراپتامالىق قورىتىندىلارمەن جانە ءىس بويىنشا باسقا دا ماتەريالدارمەن دالەلدەندى.
م. كىناسىن ءىشىنارا مويىنداعان, ت. كىناسىن مويىنداماعان. پروكۋرور م.-نى جالپى قىلمىس جيىنتىعى بويىنشا 4 جىلعا, ت.-عا 3,5 جىلعا باس بوستاندىعىنان ايىرۋ جازاسىن تاعايىنداۋدى سۇرادى.
جازا تاعايىنداۋ كەزىندە سوت م.-نىڭ جاساعان ىسىنە وكىنەتىنىن, قىلمىستى اشۋعا بەلسەندى تۇردە كومەكتەسكەنىن, جاس بالاسىنىڭ بولۋىن جەڭىلدەتەتىن ءمان-جايلار رەتىندە تانىدى. م-نى اۋىرلاتاتىن ءمان-جايلار انىقتالماعان.
ت.-نىڭ قىلمىستىق جاۋاپتىلىعى مەن جازاسىن جەڭىلدەتەتىن جانە اۋىرلاتاتىن ءمان-جايلار انىقتالماعان.
م. قك-ءنىڭ 296-بابىنىڭ 4-بولىگى, 309-بابىنىڭ 2-بولىگى, 1-تارماعى بويىنشا كىنالى دەپ تانىلىپ, وعان قىلمىستار جيىنتىعى بويىنشا تۇپكىلىكتى 6 جىل 6 اي تۇرىندە جازا تاعايىندالدى.
ت. قك-ءنىڭ 28-بابىنىڭ 5-بولىگى, 309-باپتىڭ 2-بولىگى, 1- تارماعى بويىنشا كىنالى دەپ تانىلىپ, وعان 3 جىل 8 اي تۇرىندە جازا تاعايىندالدى.
سوت ۇكىمى زاڭدى كۇشىنە ەنگەن جوق.
