ەلىمىزدىڭ ءار وڭىرىنەن كەلگەن 81 بالا ءۇشىن «اقوردا» رەزيدەنتسياسىندا ەكسكۋرسيا ۇيىمداستىرىلدى, دەپ حابارلايدى astana-akshamy.kz
سونىڭ ىشىندە سۋ باسقان ايماقتاردان كەلگەن وقۋشىلار دا بار.
اقوردانىڭ كىشكەنتاي قوناقتارىنىڭ قاتارىندا حالىقارالىق جانە رەسپۋبليكالىق وليمپيادالاردىڭ جەڭىمپازدارى, وقۋ ۇزدىكتەرى بولدى.
️اتالعان شارا اياسىندا بالالار «اقوردا» رەزيدەنتسياسىنىڭ ورتالىق سالتاناتتى حولى مەن رەسمي قابىلداۋلار جانە ءتۇرلى جيىندار وتكىزۋگە ارنالعان زالدارىن تاماشالادى. رەزيدەنتسيا اۋماعىنداعى باقتى ارالاپ كوردى. سونداي-اق بالالار قازاقستان پرەزيدەنتىنىڭ جۇمىس تارتىبىمەن تانىستى, ەلىمىزدىڭ باس عيماراتى تۋرالى قىزىقتى دەرەكتەردەن حاباردار بولدى.
جاسوسپىرىمدەرگە مەملەكەت باسشىسىنىڭ اتىنان ەستەلىك سىيلىقتار تابىستالدى.
سونىمەن قاتار ەكى كۇندىك ساياحات كەزىندە وقۋشىلار پرەزيدەنتتىك ورتالىق, ۇلتتىق مۋزەي, «نۇر-الەم» پاۆيلونى سياقتى استانانىڭ كورىكتى جەرلەرىن ارالادى.
سۋرەت: https://t.me/aqorda_resmi/17449?single
