14 ماۋسىم كۇنى ق.قۋانىشباەۆ اتىنداعى قازاق ۇلتتىق مۋزىكالىق دراما تەاترىنىڭ اكتريساسى, قازاقستاننىڭ ەڭبەك سىڭىرگەن ءارتىسى جانات چايكينانىڭ 70 جاس مەرەيتويى مەن شىعارماشىلىعىنا 50 جىل تولۋىنا وراي «ايەل قۇپياسى» سپەكتاكلىنىڭ پرەمەراسى وتەدى. تەاتر مۇراجايىندا اكتريسانىڭ شىعارماشىلىعىنا ارنالعان كورمە ۇيىمداستىرىلادى.
جانات اڭسابايقىزى كسرو جانە قاز كسر حالىق ءارتىسى شولپان جانداربەكوۆانىڭ شەبەرحاناسىن ءبىتىردى. ديپلومدىق جۇمىسى ۆ.ەجوۆتىڭ «بۇلبۇلدار ءتۇنى» شىعارماسىنداعى ينگا بەينەسى بولدى. 1975 جىلى تالدىقورعان دراما تەاترى (قازىرگى ب.ريموۆا اتىنداعى تالدىقورعان دراما تەاترى) اشىلعاندا ءوزىنىڭ كۋرسىمەن وسى ونەر وشاعىنىڭ شاڭىراعىن كوتەرىپ, ۋىعىن قادادى. اكتريسا ودان كەيىن ج.ايماۋىتوۆ اتىنداعى پاۆلودار وبلىستىق قازاق مۋزىكالىق دراما تەاترىنا شاقىرىلدى. 2008 جىلدان بەرى قاللەكي تەاترىنىڭ اكتريساسى.
م.اۋەزوۆتىڭ «قاراگوزىندە» – قاراگوز, «ابايىندا» – ماعىش, «حان كەنەسىندە» – قاراشاش, «تۇنگى سارىنىندا» – جۇزتايلاق, «ايمان-شولپانىندا» – شولپان, ع.مۇسىرەپوۆتىڭ «قوزى كورپەش – بايان سۇلۋىندا» – بايان, «اقان سەرى – اقتوقتىسىندا» – اقتوقتى, ب.ءمايليننىڭ «شۇعانىڭ بەلگىسىندە» – شۇعا, ا.چەحوۆ «ۆانيا اعايىندا» – سونيا, «شاعالاسىندا» – زارەچنايا, ۋ.شەكسپيردىڭ «اساۋعا تۇساۋىندا» – كاتارينا, «لير پاتشاسىندا» – كوردەليا مەن شۋت, ش.ايتماتوۆتىڭ «انا – جەر-اناسىندا» – جەر انا سىندى, ت.ب. سپەكتاكلدەردە سان الۋان بەينەلەردى سومدادى. كينو ونەرىنەن دە كورىنىپ, كينورەجيسسەر سەرىك جارمۇحامەدوۆتىڭ «وتەلمەگەن پارىز» ء(اليماش) جانە تالعات تەمەنوۆتىڭ «قىزعىش قۇس» (روزا) كوركەم فيلمدەرىنە ءتۇستى.
جانات چايكينا – رەسپۋبليكالىق «جىگەر» جاستار فەستيۆالىنىڭ ديپلومانتى. «جىر قۇلاگەرى» ءىلياس جانسۇگىروۆتىڭ 100 جىلدىعىنا ارنالعان رەسپۋبليكالىق فەستيۆالدە «كۇيشى» سپەكتاكلىندەگى قاراشاش ءرولى ءۇشىن ارنايى ديپلوممەن ماراپاتتالدى. VI جانە VII رەسپۋبليكالىق تەاترلار فەستيۆالىندە «ەڭ ۇزدىك ايەل ءرولى» جانە VIII رەسپۋبليكالىق تەاترلار فەستيۆالىندە «شىعارماشىلىق ىزدەنىس ءۇشىن» اتالىمدارىندا توپ جاردى. «اي» تەاترىندا ا.چەحوۆتىڭ «شيە باعى» پەساسى بويىنشا ساحنالانعان «باق» سپەكتاكلىندەگى رانەۆسكايا (سەزىم) ءرولى ءۇشىن «Theatre criticism» سىنشىلارى ىرىكتەگەن «جىلدىڭ ەڭ ۇزدىك 10 اكتريساسى» تىزىمىنە ەنگىزىلدى.
ال بەنەفيسىنە اينالاتىن «ايەل قۇپياسى» سپەكتاكلىنىڭ اۆتورى – ە.فيليپپو. قويۋشى رەجيسسەرى – قازاقستاننىڭ ەڭبەك سىڭىرگەن قايراتكەرى بولات ۇزاقوۆ.
