بۇل مالىمەتتەردى بۇگىن مەديتسينا قىزمەتكەرلەرىن كاسىبي مەرەكەلەرىمەن قۇتتىقتاعان استانا اكىمى جەڭىس قاسىمبەك ءمالىم ەتتى.
«مەديتسينا قىزمەتكەرلەرىن كاسىبي مەرەكەلەرىمەن قۇتتىقتايمىن! دەنساۋلىق – قولىمىزدا بار ەڭ قۇندى نارسە, ال سىزدەر – ءبىزدىڭ باستى قاھارماندارىمىز وسى جولدا كۇن سايىن توقتاۋسىز ەڭبەك ەتىپ جۇرسىزدەر. ەلوردانىڭ مەملەكەتتىك دەنساۋلىق ساقتاۋ سەكتورىندا 12 مىڭعا جۋىق مەديتسينا قىزمەتكەرى جۇمىس ىستەيدى. سىزدەردىڭ ارقايسىلارىڭىز ۇلتىمىزدىڭ دەنساۋلىعىنا باعا جەتپەس ۇلەس قوسىپ كەلەسىزدەر»,-دەدى ەلوردا اكىم ءوزىنىڭ Instagram پاراقشاسىندا.
سونداي-اق ول قالانىڭ دەنساۋلىق ساقتاۋ سالاسىنا قاتىستى بىرقاتار مالىمەتتەردى كەلتىردى.
اكىمنىڭ سوزىنشە, بىلتىر ەمحانالاردىڭ دارىگەرلەرى 10 ميلليوننان استام قابىلداۋ وتكىزىپ, جەدەل جاردەم قىزمەتكەرلەرى 700 مىڭنان استام شاقىرتۋعا شىققان. ەلوردا ستاتسيونارلارى 200 مىڭعا جۋىق ناۋقاستىڭ ءومىرىن ساقتاپ قالىپ, ءجۇز مىڭنان استام كۇردەلى وپەراتسيا جاسالعان. سىزدەر 30 مىڭنان استام ءسابيدىڭ ومىرگە كەلۋىنە كومەكتەستىڭىزدەر! وسى ساندارعا قاراپ-اق ۇلكەن جۇمىستارىڭىز بەن ادال ەڭبەكتەرىڭىز تۋرالى ايتۋعا بولادى.
«مەملەكەت باسشىسى دەنساۋلىق ساقتاۋ جۇيەسىن دامىتۋ, دارىگەرلەردى جان-جاقتى قولداۋ – مەملەكەتتىڭ باسىم مىندەتتەرىنىڭ ءبىرى ەكەنىن اتاپ ءوتتى. ءبىز مەديتسينا قىزمەتكەرلەرى مەن ناۋقاستار ءۇشىن قولايلى جاعداي جاساۋ بويىنشا جۇمىستى جالعاستىرامىز»,-دەدى جەڭىس قاسىمبەك.
ول كەلتىرگەن مالىمەتتەرگە قاراعاندا, الداعى ءۇش جىلدا 11 دەنساۋلىق ساقتاۋ نىسانىن, ونىڭ ىشىندە 2 پەريناتالدىق ورتالىق, 2 جاڭا زاماناۋي كوپسالالى اۋرۋحانا, ونىڭ ىشىندە بالالار اۋرۋحاناسى, 2 مەملەكەتتىك جانە 5 جەكە ەمحانا سالۋ جوسپارانىپ وتىر.
«مەديتسينالىق ۇيىمداردى زاماناۋي تەحنيكامەن قامتاماسىز ەتۋ, مەديتسينا قىزمەتكەرلەرىنىڭ بىلىكتىلىگىن ارتتىرۋ ماڭىزدى مىندەت بولىپ سانالادى. اقحالاتتى جانداردى كاسىبي مەرەكەمەن قۇتتىقتايمىن! سىزدەرگە زور دەنساۋلىق, باقىت جانە اماندىق تىلەيمىن!» – دەپ جازدى ەلوردا اكىمى.
