دەنساۋلىعىڭ سىر بەرىپ, قاتتى قينالعاندا ادام جانىنىڭ اراشاشىسى اۋەلى جاراتۋشى, سوسىن اق حالاتتى ابزال جاندار – دارىگەرلەر دەپ ويلايمىن. سونداي ماماننىڭ ءبىرى – استانا قالاسى اكىمدىگىنە قاراستى №3 كوپسالالى قالالىق اۋرۋحانانىڭ حيرۋرگيا بولىمشەسىنىڭ جوعارى ساناتتى دارىگەرى جاقسىلىق ەرالىۇلىنا العىس ايتقىم كەلەدى.
بىردە جولدا ءىشىم ءبۇرىپ اۋىرىپ, وسى اۋرۋحانانىڭ حيرۋرگيا بولىمشەسىنە باردىم. تىركەلۋدەن ءوتىپ, دارىگەر قابىلداۋىنا كەلدىم. حالىق كوپ ەكەن. كەزەككە تۇردىم. ىشكە كىرگەن سوڭ ءجۇزى جىلى دارىگەر جاقسىلىق مولدانوۆ مەنى تەكسەرىپ, تەگىس شولىپ ءوتتى دە, تەزىرەك وتا جاساۋ كەرەك ەكەنىن, كوك ەت جىرتىلعانىن ايتتى. باستاپقىدا قورقىپ كەتتىم. وتانى ءوزى جاسايتىنىن, 3 كۇندە جاقسى بولىپ كەتەتىنىمدى جەتكىزدى. قان تالداۋىن تاپسىرۋعا جىبەردى. بولىمشەگە كەلىپ, 2 ادامعا شاقتالعان بولمەگە ورنالاستىم. ەرتەڭىنە جاقسىلىق دارىگەر كۇلىمدەگەن كۇيى, قاسىندا مەدبيكەسى بار, ماعان كەلىپ: «قورىقپاڭىز, جاقسى بولىپ كەتەسىز» دەدى جاي عانا. مەدبيكە ءبارىن قاعازعا جازىپ تۇردى. ءار بولمەدە كۇن ءتارتىبى كورسەتىلىپ قويعان. مەدبيكەلەر دە جەدەل كەلىپ, دارىگەردى مۇقيات تىڭداپ زىر جۇگىرىپ ءجۇر. بولىمشە ءىشى مۇنتازداي تاپ-تازا. كەشكىسىن جانە تاڭدا ءىشىن تازالاپ جۋادى. حيرۋرگيا بولىمشەسىندە بارلىق جاعداي جاسالعان. تاماعىن 3 مەزگىل بەرەدى. مۇندا اۋرۋحانا ەسكى بولعانمەن, دارىگەرلەر مەن مەدبيكەلەر ناۋقاستارعا كەرەمەت قارايدى ەكەن. وتانى جوعارى ساناتتاعى دارىگەر جاقسىلىق ەرالىۇلى جاساپ, مەنى 3 كۇن ىشىندە ەمدەپ جازىپ, اياقتان تىك تۇرعىزدى. وسى ىنىمىزگە اللانىڭ نۇرى جاۋىپ, ەلدىڭ ەلەۋلى ۇلى بولسىن, اسقار تاۋداي ارمانى ورىندالىپ, مەديتسينا سالاسىنداعى ەڭبەگى ەلەنە بەرسىن دەگەن تىلەگىمدى بىلدىرگىم كەلەدى.
تالعات سايلاۋۇلى,
مادەنيەت سالاسىنىڭ ۇزدىگى
