استانا قالاسىندا سىرتقى ىستەر مينيسترلىگىنىڭ ەرەكشە تاپسىرمالار جونىندەگى ەلشىسى تالعات قاليەۆتىڭ توراعالىعىمەن ونلاين فورماتتا ازياداعى ءوزارا ءىس-قيمىل جانە سەنىم شارالارى كەڭەسىنىڭ (اوسشك) ارنايى جۇمىس توبىنىڭ (اجت) وتىرىسى ءوتتى, دەپ حابارلايدى astana-akshamy.kz
وتىرىس بارىسىندا قاتىسۋشىلار اوسشك ەكولوگيا ماسەلەلەرى جونىندەگى مينيسترلىك كونفەرەنتسياسىنىڭ قورىتىندى قۇجات جوباسىن, تالداۋ ورتالىقتارى فورۋمىنىڭ ءىس-شارالار جوسپارىن, سونداي-اق 2024-2025 جىلدارعا ارنالعان «اكت پايدالانۋ قاۋىپسىزدىگى مەن اكت قاۋىپسىزدىگى» باسىم سالاسىنىڭ تۇجىرىمداماسىن قاراستىردى.
سونىمەن قاتار, ءىس-شارا بارىسىندا مۇشە مەملەكەتتەر اوسشك مەن ەۋرازيالىق ەكونوميكالىق كوميسسياسى اراسىنداعى بىرلەسكەن ءىس-شارالار جوسپارىن, ازيا مەن تىنىق مۇحيتقا ارنالعان ەكونوميكالىق جانە الەۋمەتتىك كوميسسيامەن (اتمەاك) ىنتىماقتاستىق تۋرالى مەموراندۋمنىڭ جوباسىن, سونداي-اق بۇۇ تەرروريزمگە قارسى باسقارماسىمەن ىنتىماقتاستىق ورناتۋ پەرسپەكتيۆالارىن تالقىلادى.
كەزدەسۋدىڭ قورىتىندىسى بويىنشا اوسشك اعا لاۋازىمدى تۇلعالار كوميتەتىنە (التك) 27 ماۋسىمدا استانادا وتەتىن كەزەكتى التك وتىرىسىندا اتالعان ماسەلەلەر بويىنشا شەشىم قابىلداۋعا ۇسىنىس جاسالدى.
