19-23 ماۋسىم ارالىعىندا اقتاۋ قالاسىندا قازاق دياسپوراسىنىڭ بالالارىنا ارنالعان «قازاقستان – اتا جۇرتىم, قاسيەتىم – انا ءتىلىم» اتتى XXI حالىقارالىق قازاق ءتىلى مەن ادەبيەتى وليمپياداسى باستاۋ الدى, دەپ حابارلايدى astana-akshamy.kz.
وعان تۇركىمەنستان, وزبەكستان, رەسەي, يران جانە قىتايدان 50-گە جۋىق وقۋشى قاتىسۋدا. مۇنداعى ماقسات – قازاق دياسپوراسى بالالارىنىڭ انا تىلىنە, ادەبيەتىنە, تاريحىنا قىزىعۋشىلىقتارىن ىنتالاندىرۋ جانە دارىندى جاس لينگۆيستەر مەن ادەبيەتشىلەردى انىقتاۋ. وليمپيادا 3 تۋر بويىنشا وتەدى: ەسسە جازۋ, «تاريحي تانىم» زەرتتەۋ جۇمىستارىن قورعاۋ, «ءوز ۇلتىمدى سۇيەمىن» تاقىرىبىندا شىعارماشىلىق تانىستىرىلىم جاسۋ.
ەرەجەگە سايكەس, قاتىسۋشى ەلدەردىڭ ءاربىر كومانداسى 14-18 جاس ارالىعىنداعى 8 وقۋشىدان جانە 2 جەتەكشىدەن تۇرۋى ءتيىس.
ايتا كەتسەك, جەڭىمپازدار مەن جۇلدەگەرلەر قر وقۋ-اعارتۋ مينيسترلىگىنىڭ I, II جانە III دارەجەلى ديپلومدارىمەن, سونداي-اق التىن, كۇمىس جانە قولا مەدالدارمەن ماراپاتتالادى. ەرەكشە جەتىستىككە قول جەتكىزگەن قاتىسۋشىلارعا «دارىن» رعپو-نىڭ گراموتالارى مەن باعالى سىيلىقتارى بەرىلەدى, ال ەڭ ۇزدىكتەرگە قر بەدەلدى جوو-نىڭ رەكتورلىق ءبىلىم گرانتتارى تابىستالاتىن بولادى.
