استانادا ارداگەرلەر كەڭەسىنىڭ «وتىرار» ورتالىعى اشىلدى. جاڭا ورتالىق بايقوڭىر اۋدانىنداعى وتىرار كوشەسى, 10 مەكەنجايىندا ورنالاسقان.
بۇل – وسىمەن اۋدان اۋماعىندا بوي كوتەرگەن ءۇشىنشى ورتالىق. وسى ۋاقىتقا دەيىن ا.برۋسيلوۆسكي كوشەسىندە «ايدار» ورتالىعى اشىلىپ, 80-نەن اسا ارداگەرلەردى ءبىر ورتاعا بىرىكتىرگەن ەدى. ەكىنشىسى – ا.جۇبانوۆ كوشەسىندە اشىلعان «پاراسات» ورتالىعى. وندا 50-گە جۋىق ارداگەر كەلىپ, بوس ۋاقىتىن ءتيىمدى وتكىزەدى.
اۋداننىڭ بەلسەندى ەڭبەك ارداگەرلەرىنىڭ بوس ۋاقىتىن ءتيىمدى وتكىزۋگە ارنالعان وسىنداي باسقوسۋ ورىندارىنىڭ بولۋى ماڭىزدى. مەرەيلى مەرەكە كۇنى اشىلعان ارداگەرلەر ورتالىعىنىڭ سالتاناتتى اشىلۋى مەرەكەلىك كوڭىل-كۇيدە اتالىپ ءوتتى. قازىنالى قارتتارىمىز تاريح تەرەڭىنەن سىر شەرتىپ, بۇگىنگى تاۋەلسىزدىكتىڭ ماڭىزدىلىعىنا توقتالدى.
بارشا جينالعان قاۋىمعا اق باتالارىن بەرىپ, مەرەكەمەن قۇتتىقتادى.
