ەل تىنىسى
استانا اكىمدىگى 2-4 شىلدە كۇندەرى قاشىقتان جۇمىس ىستەۋ فورماتىن ۇسىندى
![](https://astana-akshamy.kz/wp-content/uploads/2024/06/images-3.jpeg)
استانادا 2024 جىلدىڭ 3-4 شىلدەسىندە شانحاي ىنتىماقتاستىق ۇيىمىنىڭ ءسامميتى وتەدى. بۇل كۇندەرى قاۋىپسىزدىك شارالارى كۇشەيتىلەدى, دەپ حابارلايدى astana-akshamy.kz
ازاماتتارعا ىڭعايلى بولۋ ماقساتىندا, اسىرەسە جولداردا كەپتەلىس بولماس ءۇشىن 2-4 شىلدە ارالىعىندا مەملەكەتتىك مەكەمەلەرگە جانە كۆازيمەملەكەتتىك سەكتورلارعا قىزمەتكەرلەرىنىڭ 70%-ىنا دەيىن قاشىقتان جۇمىس ىستەۋ فورماتىنا اۋىستىرۋ ۇسىنىلادى. سول سياقتى 3-4 شىلدە كۇندەرى مەكتەپكە دەيىنگى مەكەمەلەر جۇمىس ىستەمەيدى.
بۇل – ءىرى حالىقارالىق ءىس-شارالاردى وتكىزۋ بارىسىندا كۇشەيتىلگەن قاۋىپسىزدىك شارالارى قابىلداناتىن جانە ازاماتتارعا ىڭعايلى بولۋ ءۇشىن ءىشىنارا قاشىقتان جۇمىس ىستەۋ ءتارتىبى ەنگىزىلەتىن الەمدىك تاجىريبە.