«بۇگىنگە جوسپارلانعان 72 رەيستىڭ 7 ۇشۋ جانە 8 ۇشىپ كەلۋ رەيسى توقتاتىلىپ تاستالدى. ودان بولەك, ۇشۋعا 6 رەيس, ال ۇشىپ كەلۋگە 12 رەيس كەشىكتىرىلىپ جاتىر». بۇل تۋرالى استانا حالىقارالىق اۋەجايىنىڭ ءباسپاسوز قىزمەتى مالىمدەدى, دەپ حابارلايدى astana-akshamy.kz.
مۇنىڭ بارلىعى قولايسىز مەتەوجاعدايلارمەن جانە ۇشۋ قاۋىپسىزدىگىن قامتاماسىز ەتۋ بويىنشا قابىلدانىپ جاتقان شارالارمەن بايلانىستى.
قازىر اەرودرومدى قالىڭ قاردان تازارتۋ جۇمىستارى ۇزدىكسىز ءجۇرىپ جاتىر. الدىن الا حابارلانعانداي ەلوردا اۋەجايى ماڭىندا 19 م/س جىلدامدىقپەن قاتتى جەل سوعىپ تۇر, ەكپىندەگەن كەزدە ونىڭ قارقىنى 23 م/س دەيىن بارىپ تۇر.
مۇنداي اۋا-رايى ۇشاقتاردىڭ ۇشۋ-قونۋ كەزىندە قيىندىقتار تۋدىرۋى مۇمكىن, سوندىقتان اۆياكومپانيالار جولاۋشىلار مەن ەكيپاجداردىڭ قاۋىپسىزدىگىن قامتاماسىز ەتۋ ءۇشىن رەيستەردى توقتاتا تۇرۋ نەمەسە كەشىكتىرۋ شارالارىن قابىلداۋدا.
ەستەرىڭىزدە بولسا, بۇعان دەيىن اۋا رايىنىڭ ناشارلاۋىنا بايلانىستى اقتوبە اۋەجايىندا دا ۇشۋ-قونۋ رەيستەرى كەيىنگە شەگەرىلۋدە ەكەنى حابارلانعان بولاتىن. ول جاقتا 02.07.2024 جىلعى FlyArystan KS7191/7192 الماتى – اقتوبە – الماتى; Air Astana KC965/966 استانا – اقتوبە – استانا; FlyArystan KS7391/7392 استانا – اقتوبە – استانا; FlyArystan KS7778/7777 اقتاۋ – اقتوبە – اقتاۋ رەيستەرى توقتاتىلىپ تاستالسا, بۇگىن بىرقاتار رەيستەر كەيىنگە قالدىرىلدى. ولار – Qazaq Air IQ399/395 استانا – اقتوبە – اتىراۋ; Air Astana KC863/864 الماتى – اقتوبە – الماتى; Qazaq Air IQ396/400 اتىراۋ – اقتوبە – استانا. SCAT DV721/722 استانا – اقتوبە – استانا; SCAT DV711/712 الماتى – اقتوبە – الماتى.
فوتو https://www.nn-airport.kz/
